Somu Veerraju: సోము సారుకి కోపం చిర్రెత్తుకొచ్చింది..! పోలీసులపై సీరియస్.. వీడియో వైరల్

Somu Veerraju: బీజేపీ రాష్ట్ర అధ్యక్షుడు సోము వీర్రాజుకు పోలీసులపై కోపం చిర్రెత్తుకొచ్చింది. ఎస్ఐ సహా పోలీసు సిబ్బందిపై ఆగ్రహం వ్యక్తం చేశారు. ఎస్ఐని తోసేస్తూ మరీ మీదకు వెళ్లారు. ఈ వీడియో సోషల్ మీడియాలో వైరల్ అయ్యింది. విషయంలోకి వెళితే..అమలాపురం అల్లర్ల బాధితులు, కేసు నమోదైన బాధితుల కుటుంబాల పరామర్శించేందుకు సోము వీర్రాజు వెళుతుండగా తూర్పు గోదావరి జిల్లా జొన్నాడ వద్ద పోలీసులు అడ్డుకున్నారు. అమలాపురంలో 144 సెక్షన్ అమల్లో ఉందనీ, అమలాపురం పర్యటనకు అనుమతి లేదని పోలీసులు స్పష్టం చేశారు. సోము కారు కదలకుండా మరో వాహనాన్ని పోలీసులు అడ్డుపెట్టారు. దాదాపు అరగంట పాటు జొన్నాడ వద్ద సోము వీర్రాజును పోలీసులు ఆపేశారు.

• Read the latest news in Telugu from AP and Telangana’s most trusted news website.
• Follow us on facebook , Twitter , instagram and Googlenews

Read More: Pawan Kalyan: టెన్త్ విద్యార్ధులకు హాపీ న్యూస్ ..ప్రభుత్వానికి పవన్ కళ్యాణ్ కీలక సూచన

Somu Veerraju: వ్యక్తిగత స్వేచ్చను హరించే హక్కు మీకు ఎవరిచ్చారు..?

దీంతో ఆ వాహనాన్ని పక్కకు తీయాలంటూ పోలీసులపై సోము వీర్రాజు తీవ్ర ఆగ్రహం వ్యక్తం చేశారు. తనను ఎందుకు నిలుపుదల చేశారంటూ ఆగ్రహం వ్యక్తం చేస్తూ పోలీసులను తోసేశారు. వ్యక్తిగత స్వేచ్చను హరించే హక్కు మీకు ఎవరిచ్చారు అంటూ ప్రశ్నించారు. ఎస్పీ స్థాయి అధికారికి వివరణ ఇచ్చిన తర్వాత కూడా ఈ ఆంక్షలు ఎందుకని ప్రశ్నించారు. జిల్లా ఎస్పీతోనూ మాట్లాడి అనుమతించాలని కోరారు. ఆ తరువాత రావులపాలెం వెళ్లేందుకు మాత్రం పోలీసులు అనుమతి ఇచ్చారు. కార్యకర్తల కుటుంబాన్ని పరామర్శిస్తుంటే పోలీసు శాఖ ద్వారా ఈ దుందుడుకు చర్యలు ప్రభుత్వ పాలన, అసమర్ధతను బయటపెడుతున్నాయని విమర్శించారు సోము వీర్రాజు. రాష్ట్రంలో ఏ క్షణంలో ఏం జరుగుతుందో ప్రభుత్వ నిఘా వర్గాలకు కూడా తెలియని స్థాయికి రాష్ట్ర పాలన దిగజారిందనే విషయాన్ని ప్రభుత్వ చర్యలు అద్దం పడుతున్నాయని సోము వీర్రాజు పేర్కొన్నారు.

ఇటీవల కోనసీమ జిల్లా పేరు మార్పు ప్రతిపాదన నేపథ్యంలో అమలాపురంలో పెద్ద ఎత్తున నిరసనలు వ్యక్తం కావడం, ఆ నేపథ్యంలోనే విధ్వంసకర పరిణామాలు చోటుచేసుకున్న సంగతి తెలిసిందే. మంత్రి విశ్వరూప్, ఎమ్మెల్యే సతీష్ ఇళ్లకు ఆందోళనకారులు నిప్పు పెట్టారు. ఈ అల్లర్ల కేసులో ఇప్పటికే పోలీసులు వివిధ పార్టీలకు చెందిన వంద మందికిపైగా అరెస్టు చేశారు. పోలీసులు అరెస్టు చేసిన వారిలో బీజేపీ, జనసేన, టీడీపీ, వైసీపీలకు చెందిన వారు ఉన్నారు.

• Read the latest news in Telugu from AP and Telangana’s most trusted news website.
• Follow us on facebook , Twitter , instagram and Googlenews

Somu Veerraju: సోము వీర్రాజుపై కేసు నమోదు

కాగా విధి నిర్వహణలో ఉన్న పోలీస్ అధికారిపై దురుసుగా ప్రవర్తించిన నేపథ్యంలో సోము వీర్రాజుపై పోలీసులు కేసు నమోదు చేసినట్లు తెలుస్తొంది. వాహనాన్ని పోలీసులు నిలుపుదల చేసిన క్రమంలో సోము వీర్రాజు అక్కడ ఉన్న ఎస్ఐపై దురుసుగా ప్రవర్తించారు. అక్కడ జరిగిన ఘటన మొత్తాన్ని పోలీసులు తమ సెల్ ఫోన్ ద్వారా చిత్రీకరించారు. ఆ సాక్షం మేరకు ఐపీసీ 353, 506 సెక్షన్ల కింద సోము వీర్రాజుపై పోలీసులు కేసు నమోదు చేశారు.

BJP AP State President Somu Veerraju Threatens and Pushes SI Near Ravulapalem.
#Konaseema #SomuVeerraju #ShameOnBJP #KanganaRanaut pic.twitter.com/g9g34NE5MM

— Das Vanthala (@DasVanthala) June 8, 2022

sharma somaraju Content Editor

See Full Bio