AP Cabinet: ప్రమాణ స్వీకారంలో ప్రత్యేకత చాటుకున్న ఆ ముగ్గురు మంత్రులు

AP Cabinet: ఏపిలో కొత్త మంత్రులు కొలువుతీరారు. రాష్ట్ర గవర్నర్ బిశ్వభూషణ్ హరిచందన్ 25 మంది మంత్రులతో ప్రమాణ స్వీకారం చేయించారు. ప్రమాణ స్వీకారం అనంతరం గవర్నర్, ముఖ్యమంత్రితో మంత్రులు గ్రూపు ఫోటో దిగారు. ఆ తరువాత సచివాలయంలో గవర్నర్, సీఎం సీఎం జగన్, కొత్త, పాత మంత్రులు అధికారులు టీ పార్టీలో పాల్గొన్నారు. కార్యక్రమంలో ముగ్గురు ఇంగ్లీషులో ప్రమాణ స్వీకారం చేసి ప్రత్యేకంగా నిలిచారు. పెద్దిరెడ్డి రామచంద్రారెడ్డి, ఆదిమూలపు సురేష్, ఉష శ్రీ చరణ్ లు ఇంగ్లీషులో ప్రమాణ స్వీకారం చేయగా, మిగిలిన వారందరూ తెలుగులో ప్రమాణ స్వీకారం చేశారు.

AP Cabinet: ముందుగా అంబటి

వరుసగా అంబటి రాంబాబు, అంజాద్ బాషా, ఆదిమూలపు సురేష్, బొత్స సత్యనారాయణ. బూడి ముత్యాల నాయుడు, బుగ్గన రాజేంద్ర నాథ్ రెడ్డి, చెల్లుబోయిన వేణుగోపాలకృష్ణ, దాడిశెట్టి రాజా, ధర్మాన ప్రసాదరావు, గుడివాడ అమరనాథ్, గుమ్మనూరు జయరాం, జోగి రమేష్, కాకాణి గోవర్థన్ రెడ్డి, కారుమూరి నాగేశ్వరరావు, కొట్ట సత్యనారాయణ, నారాయణ స్వామి, ఉషా శ్రీ చరణ్, మేరుగ నాగార్జున, పెద్దిరెడ్డి రామచంద్రారెడ్డి, పినిపే విశ్వరూప్, పి రాజన్నదొర, ఆర్కే రోజా, తానేటి వనిత, సీదీరి అప్పలరాజు, విడతల రజని మంత్రులుగా ప్రమాణం చేశారు. ఆల్పాబీటికల్ ప్రకారం మొదట అంబటి రాంబాబు, లాస్ట్ లో విడతల రజని ప్రమాణం చేశారు. అనంతరం మంత్రులుగా ప్రమాణ స్వీకారం చేసిన వారు ముఖ్యమంత్రికి ధన్యవాదాలు తెలియజేశారు. మీడియా ముందు తమ సంతోషాన్ని మంత్రులు వ్యక్తం చేశారు. కొత్త మంత్రులుగా ప్రమాణ స్వీకారం చేసిన వారిలో కొందరు సీఎం జగన్ పాదాలకు నమస్కరించి తమ విధేయతను చాటుకున్నారు. రోజా జగన్ పాదాలకు నమస్కరించి చేతులు ముద్దాడి వెళ్లారు.