YS Jagan : జాతీయ జెండా రూపొందించి వందేళ్లు పూర్తి అయిన సందర్భంగా జెండా రూపకర్త పింగళి వెంకయ్య కుటుంబాన్ని ఏపి సీఎం వైఎస్ జగన్ కలిశారు. గుంటూరు జిల్లా మాచర్లలోని పింగళి వెంకయ్య కుమార్తె ఘంటసాల సీతామహాలక్ష్మి (99) నివాసానికి సీఎం జగన్ వెళ్లి ఆమెను ఘనంగా సత్కరించి జ్ఞాపికను అందజేశారు.
ఇతర కుటుంబ సభ్యులను పరామర్శించారు. పింగళి జీవిత విశేషాలతో కూడిన చిత్ర పదర్శనను జగన్ తిలకించారు. ముఖ్యమంత్రి జగన్ స్వయంగా తమ నివాసానికి రావడం పట్ల సీతామహాలక్ష్మి వారి కుటుంబ సభ్యులు సంతోషాన్ని వ్యక్తం చేశారు. దేశానికి స్వాతంత్రం వచ్చి 75 సంవత్సరాలు పూర్తి అవుతున్న సందర్భంగా వేడుకలను నిర్వహించాలని కేంద్ర ప్రభుత్వం నిర్ణయించిన సంగతి తెలిసిందే.
