AP CM YS Jagan: 8వ తరగతి విద్యార్ధులకు గుడ్ న్యూస్..ఏపీ సీఎం వైఎస్ జగన్ కీలక ఆదేశాలు

AP CM YS Jagan: ఏపి ముఖ్యమంత్రి వైఎస్ జగన్మోహనరెడ్డి మంగళవారం విద్యాశాఖలో నాడు – నేడు, డిజిటల్ లెర్నింగ్ పై సమీక్ష జరిపారు. తాడేపల్లి క్యాంప్ కార్యాలయంలో జరిగిన ఈ సమీక్షలో అధికారులకు పలు కీలక ఆదేశాలు జారీ చేశారు. బైజూస్ తో ఒప్పందం జరిగిన దృష్ట్యా విద్యార్ధులకు అందించే కంటెంట్ పై అధికారులతో చర్చించారు. 8వ తరగతి విద్యార్ధులకు సెప్టెంబర్ నెలలో అందించే ట్యాబ్ లపై సమీక్షించారు. తరగతి గదుల్లో డిజిటల్ స్క్రీన్ల ఏర్పాటుపై కార్యాచరణ చేపట్టాలని అధికారులన ఆదేశించారు. ఎనిమిదవ తరగతి విద్యార్ధులకు ట్యాబ్ లు అందజేయాలని ఇప్పటికే నిర్ణయం తీసుకున్నామని చెప్పిన సీఎం జగన్.. సెప్టెంబర్ నెలలో ట్యాబ్ లు పంపిణీ చేస్తామన్నారు. ఆ ట్యాబ్ ల్లో బైజూస్ కంటెంట్ ను లోడ్ చేయాలని తెలిపారు. దానికి తగినట్లుగా ట్యాబ్ స్పెసిఫికేషన్స్, ఫీచర్లు ఉండే విధంగా చూడాలని, అవి నిర్ధారించుకున్న తరువాతే ట్యాబ్ లు కొనుగోలు ప్రక్రియ ప్రారంభించాలని సీఎం జగన్ తెలిపారు.

• Read the latest news in Telugu from AP and Telangana’s most trusted news website.
• Follow us on facebook , Twitter , instagram and Googlenews

ప్రధానంగా టెండర్లు పిలిచే సమయంలో నాణ్యత, డ్యూరబులటీని దృష్టిలో ఉంచుకోవాలని జగన్ సూచించారు. ఎనిమిదవ తరగతిలో విద్యార్ధులకు అందించే ట్యాబ్ లు ఆ తరువాత వారు 9,10 తరగతుల్లో కూడా పని చేసే విధంగా ఉండాలనీ, అందుకే నిర్వహణ కూడా అత్యంత ముఖ్యమని చెప్పారు. ఏదైనా సమస్య వస్తే వెంటనే రిపేరు చేసే అంశాన్ని కూడా దృష్టిలో ఉంచుకోవాలని అధికారులకు తెలిపారు. మంచి కంపెనీల నుండి ట్యాబ్ లు తీసుకోవాలనీ, నిర్ణేశిత సమయంలోగా ట్యాబ్ లు విద్యార్ధులకు అందేలా చర్యలు తీసుకోవాలని ఆదేశించారు సీఎం జగన్. ప్రభుత్వ ప్రధాన కార్యదర్శి (సీఎస్) సమీర్ శర్మ, పాఠశాల విద్యాశాఖ స్పెషల్ సీఎస్ బుడితి రాజశేఖర్, పాఠశాల విద్యాశాఖ కమిషనర్ ఎస్ సురేష్ కుమార్ తదితరులు ఈ సమీక్షలో పాల్గొన్నారు.