Buggana Rajendranath Reddy: విద్యుత్ మోటార్లకు మీటర్లు ఎందుకు పెడుతున్నారంటే..? ఆర్ధిక మంత్రి బుగ్గన చెప్పిన కారణం ఇది

Buggana Rajendranath Reddy: వ్యవసాయ రంగంలోని విద్యుత్ మోటార్ల కు మీటర్లు ఏర్పాటు చేసే అంశంపై ప్రతిపక్షాల నుండి విమర్శలు ఎదురవుతున్నాయి. పక్క రాష్ట్రం తెలంగాణలో ప్రభుత్వమే విద్యుత్ మోటర్లకు మీటర్లు బిగించే అంశాన్ని వ్యతిరేకించింది. అయితే ఏపిలో ప్రభుత్వం విద్యుత్ మోటార్లకు మీటర్లు బిగించేందుకు చర్యలు చేపడుతోంది. అయితే రైతులకు అందించే ఉచిత విద్యుత్ ఎత్తివేయడానికే ప్రభుత్వం ఈ చర్యలు తీసుకుంటోందంటూ ప్రతిపక్షాలు విమర్శలు చేస్తున్నాయి. ప్రతిపక్షాల విమర్శలను ఆర్ధిక శాఖ మంత్రి బుగ్గన రాజేంద్ర నాథ్ రెడ్డి కొట్టిపారేస్తున్నారు. విద్యుత్ మోటార్లకు మీటర్లు ఎందుకు బిగించాల్సి వస్తుందో కారణాన్ని ఆయన వెల్లడించారు.

• Read the latest news in Telugu from AP and Telangana’s most trusted news website.
• Follow us on facebook , Twitter , instagram and Googlenews

మోటర్లకు మీటర్లు బిగించే అంశంపై విపక్షాలు అసత్య ప్రచారం చేస్తున్నాయన్నారని మండిపడ్డారు మంత్రి బుగ్గన రాజేంద్రనాథ్ రెడ్డి. వాస్తవానికి రాష్ట్రంలో విద్యుత్ ఉత్పత్తికి ఏటా పది వేల కోట్ల రూపాయలు వ్యయం చేస్తుంటే రెండు వేల కోట్ల కు లెక్కలు తేలడం లేదని బుగ్గన చెప్పారు. ఈ నేపథ్యంలోనే మోటర్లకు మీటర్లు బిగించబోతున్నట్లు మంత్రి బుగ్గన తెలిపారు. రైతులకు అందించే ఉచిత విద్యుత్ యథాతథంగా ఉంటుందని మంత్రి బుగ్గన రాజేంద్ర నాథ్ స్పష్టం చేశారు.