ఏపి andhra pradesh ప్రభుత్వ వాదనలు పక్కన బెట్టి రాష్ట్రంలో పంచాయతీ ఎన్నికలకు షెడ్యుల్ విడుదల చేసిన ఎన్నికల సంఘానికి హైకోర్టులో ఎదురుదెబ్బ తగిలింది. ఎస్ఈసీ ఇచ్చిన పంచాయతీ ఎన్నికల షెడ్యుల్ ను కొట్టేసింది. రాష్ట్ర ఎన్నికల సంఘం (ఎస్ఈసీ) ఈ నెల 8 వ తేదీన పంచాయతీ ఎన్నికల షెడ్యుల్ ను విడుదల చేసిన విషయం తెలిసిందే. రాష్ట్ర ఎన్నికల సంఘం తీసుకున్ నిర్ణయంపై ప్రభుత్వం హైకోర్టును ఆశ్రయించింది. ఏపి ప్రభుత్వం దాఖలు చేసిన పిటిషన్ పై హైకోర్టులో సోమవారం విచారణ జరిగింది. కోవిడ్ వ్యాక్సినేషన్ కు ఎన్నికల ప్రక్రియ అడ్డువస్తుందని హైకోర్టు భావించింది. ప్రజారోగ్యం ఇబ్బందుల్లో పడుతుందని కోర్టు అభిప్రాయపడింది. ఎన్నికల షెడ్యుల్ పై ఎస్ఈసీ నిర్ణయం సహేతుకంగా లేదని హైకోర్టు పేర్కొన్నది. ఈ కారణాల వల్ల ఎన్నికల షెడ్యుల్ ను సస్పెండ్ చేస్తున్నట్లు హైకోర్టు స్పష్టం చేసింది.
ముందుగా ప్రభుత్వం తరపున ఏజీ, ఎస్ఈసీ తరపున న్యాయవాది అశ్వనీకుమార్ రెండు గంటల పాటు వాదనలు వినిపించారు. ఎకకాలంలో ఎన్నికలు, కోవిడ్ వ్యాక్సినేషన్ కష్టమవుతోందని ఏజీ కోర్టుకు వివరించారు. ఇరువైపులా వాదనలు విన్న ధర్మాసనం ఎన్నికల షెడ్యుల్ ను నిలిపివేసింది. తాజా తీర్పు నేపథ్యంలో ఇప్పట్లో ఏపిలో స్థానిక సంస్థల ఎన్నికలు లేనట్టేనని స్పష్టం అవుతోంది. అయితే హైకోర్టు తీర్పుపై రాష్ట ఎన్నికల సంఘం డివిజన్ బెంచ్‌కు వెళ్లాలని నిర్ణయించింది.
