Atmakur By Poll Results 2022: ఆత్మకూరు ఉప ఎన్నికల లెక్కింపు .. భారీ మెజార్టీ దిశగా వైసీపీ

Atmakur By Poll Results 2022: నెల్లూరు జిల్లా ఆత్మకూరు ఉప ఎన్నికల ఓట్ల లెక్కింపు కొనసాగుతోంది. ఆత్మకూరులోని ఆంధ్ర ఇంజనీరింగ్ కళాశాల లో ఉదయం 8 గంటలకు ఓట్ల లెక్కింపు ప్రారంభం అయ్యింది. ఓట్ల లెక్కింపునకు 14 టేబుళ్లు ఏర్పాటు చేశారు. మొత్తం 20 రౌండ్లలో ఫలితం తేలనుంది. 10.30 గంటల సమయానికి 10 రౌండ్ ల ఓట్ల లెక్కింపు పూర్తి అయ్యింది.

• Read the latest news in Telugu from AP and Telangana’s most trusted news website.
• Follow us on facebook , Twitter , instagram and Googlenews

ప్రతి రౌండ్ లోనూ వైసీపీ భారీ ఆధిక్యతలో కొనసాగుతోంది. 10 రౌండ్ లు పూర్తి అయ్యే సరికి బీజేపీ అభ్యర్ధి భరత్ కుమార్ యాదవ్ పై వైసీపీ అభ్యర్ధి మేకపాటి విక్రమ్ రెడ్డి 42704 ఓట్ల ఆధిక్యతలో కొనసాగుతున్నారు. వైసీపీ అభ్యర్ధి మేకపాటి విక్రమ్ రెడ్డ్కి 51,835 ఓట్లు రాగా బీజేపీ అభ్యర్ధి భరత్ కుమార్ యాదవ్ కు 9131, బీఎస్పీ అభ్యర్ధి ఓబులేసుకు 2741, నోటాకు 2202 ఓట్లు వచ్చాయి. ఓట్ల లెక్కింపు ప్రక్రియను ఎన్నికల పరిశీలకులు సురేష్ కుమార్, రిటర్నింగ్ అధికారి హేరేందిర పరిశీలిస్తున్నారు. ప్రతి రౌండ్ లోనూ వైసీపీ అభ్యర్ధి మేకపాటి విక్రమ్ రెడ్డికి భారీ మెజార్టీ నమోదు అవుతుండటంతో బీజేపీ అభ్యర్ధి భరత్ కుమార్ యాదవ్ కౌంటింగ్ కేంద్రం నుండి వెళ్లిపోయారు.