టీడీపీకి భారీ షాక్ తగిలింది. సీనియర్ నేత, ఎమ్మెల్యే గోరంట్ల బుచ్చయ్య చౌదరి చంద్రబాబుకు ఝలక్ ఇచ్చారు. పార్టీ ఆవిర్భావం నుంచి తెలుగుదేశం పార్టీలో క్రియాశీలకంగా పని చేసిన బుచ్చయ్య చౌదరి గత కొంత కాలం నుండి పార్టీలో అసంతృప్తిగా ఉన్నట్లు ప్రచారం జరుగుతుంది.
ఈ నేపథ్యంలో పార్టీకి రాజీనామా చేసినట్లు మీడియాకు సమాచారం అందింది. తన రాజీనామా లేఖను బుచ్చయ్య చౌదరి చంద్రబాబు పంపించినట్లు సమాచారం. ఈ విషయంపై బుచ్చయ్య చౌదరి మీడియా ప్రశ్నించగా ఇప్పుడేమీ మాట్లాడను అని వ్యాఖ్యానించారు. అయితే ఈ విషయాన్ని మాత్రం ఆయన ఖండించలేదు. బుచ్చయ్య చౌదరి ప్రస్తుతం రాజమండ్రి రూరల్ ఎమ్మెల్యే గా ఉన్నారు.
