Pawan Kalyan : తిరుపతి ఉప ఎన్నిక బాధ్యత మొత్తాన్ని బీజేపీ నాయకత్వం పవన్ కళ్యాణ్ భుజం మీద వేసి చేతులు దులుపుకోవాలని భావిస్తున్నట్లు కనిపిస్తోంది. హైదరాబాద్ మున్సిపల్ ఎన్నికల్లో ప్రచారానికి జాతీయ నాయకులతో పాటు వివిధ రాష్ట్రాల ముఖ్యమంత్రులు వచ్చి ప్రచారం చేసిన ప్రాధాన్యత తిరుపతికి బిజెపి ఇవ్వడం లేదు. కేవలం రాష్ట్ర స్థాయి నాయకుల ప్రచారంలో పాల్గొంటున్నారు.
తిరుపతి ఉప ఎన్నికల్లో బిజెపి నాయకులు గెలిస్తే తమ గెలుపుగా ఓడితే పవన్ ఓటమి గా చూపించాలని భావిస్తున్నారు. ఈ కారణంతోనే జాతీయ నాయకులు ఎవరు కనీసం తిరుపతి ప్రచారానికి సైతం రావడం లేదు. పూర్తిగా పవన్ కళ్యాణ్ మీద బాధ్యత వేసి ఆయననే ఓటమికి బాధ్యుడు చేయాలి అన్నది బిజెపి ప్లాన్ గా కనిపిస్తోంది. ఇటీవల పవన్ కళ్యాణ్ నిర్వహించిన తిరుపతి సభలో సైతం బిజెపి అభ్యర్థి రత్నప్రభ ” నా తమ్ముడు వచ్చాడు ” గెలిపిస్తాడు అని చెప్పడం ద్వారా పవన్ కళ్యాణ్ తిరుపతి ఎన్నికకు బాధ్యుణ్ణి చేయాలని బీజేపీ ప్లాన్ వేసినట్లు ఇట్టే అర్థమవుతుంది. తిరుపతి ఉప ఎన్నికల్లో ఓడితే పవన్ మేనియా, ఆయన పార్టీ బలం అంత ఏమీ లేదని బీజేపీ చెప్పుకోవడానికి ఉపయోగ పడుతుంది. తిరుపతిలో బిజెపి గెలిచే అవకాశం లేదు కాబట్టి ఇప్పటి నుంచే దానికి ఎవరు బాధ్యులు అన్న దాన్ని బీజేపీ ప్రిపేర్ చేస్తున్నట్లు కనిపిస్తోంది.
పవన్ కళ్యాణ్ ఎన్నికల నోటిఫికేషన్ రాకముందు తిరుపతి సభకు వచ్చినప్పుడు ఒకసారి బిజెపి కు టికెట్ కేటాయిస్తే వారు హైదరాబాద్ ఎన్నికల్లో ఎంత బలంగా పోరాడారు అంత బలంగా పోరాడితేనే టికెట్ కేటాయిస్తామని చెప్పారు. మరి ఇప్పుడు తిరుపతి ఉప ఎన్నికల్లో ఆ పార్టీ కనీసం ఎలాంటి దృష్టిపెట్టడం లేదు. ఇక పోరాడడం కంటే ముందే ఓటమిని ఒప్పుకున్నట్లు కనిపిస్తోంది. మరి ఇప్పుడు దీనికి కారణం ఏమని అడుగుతారు? పవన్ కళ్యాణ్ ని ఓటమి భాగ్య చేసే ప్రయాణం చేస్తున్న బీజేపీ కు పవన్ ఎలా సమాధానం చెబుతారు.. అన్న ప్రశ్న ఎదురవుతోంది.
