Chiranjeevi మెగాస్టార్ చిరంజీవి మళ్లీ `పొలిటికల్` వార్తల్లోకి ఎక్కారు. రాజకీయాలకు దూరంగా ఉంటూ ప్రస్తుతం సినిమాలు చేస్తున్న చిరు ఎప్పటికైనా తిరిగి రాజకీయాల్లోకి వస్తారని చాలా కాలంగా ప్రచారం జరుగుతూనే ఉంది.
ఒక వేళ మెగాస్టార్ చిరంజీవి తిరిగి రాజకీయాల్లోకి వస్తే ఏ పార్టీలో చేరుతారు అన్నదానిపై సర్వత్రా ఉత్కంఠత నెలకొన్న సమయంలో జనసేన పార్టీ నాయకుడు నాదెండ్ల మనోహర్ చిరు రాజకీయాలపైన కూడా ఆసక్తికర వ్యాఖ్యలు చేయడంతో చిరు రాజకీయాల్లోకి ఎంట్రీపై మరోసారి ఉత్కంఠత నెలకొంది. అయితే, సోదరుడు పవన్ కళ్యాణ్ పార్టీలోకి చిరంజీవి అడుగు పెట్టడంపై అప్పుడే కొత్త చర్చ మొదలైంది.
చిరంజీవి , పవన్ కళ్యాణ్ కలిసే…
జనసేన పార్టీ సమావేశంలో పాల్గొన్న పార్టీ ముఖ్య నేత నాదెండ్ల మనోహర్ అనేక అంశాలపై తన అభిప్రాయాలు వ్యక్తం చేశారు. పవన్ సినిమాల్లోకి రావడంపై ఆసక్తికర వ్యాఖ్యలు చేశారు. పవన్ కళ్యాణ్ సినిమాలతో పాటుగా రాజకీయాల్లో కూడా కొనసాగుతారని ప్రకటించారు. ఇదే సమయంలో పవన్ కళ్యాణ్ రాజకీయాలకు తన మద్దతు ఉంటుందని చిరంజీవి చెప్పారని నాదెండ్ల మనోహర్ పేర్కొన్నారు. దీంతో ఇద్దరు అన్నదమ్ములు కలిసి జనసేన పార్టీ బలోపేతం కోసం కృషి చేయనున్నారనే విషయంలో క్లారిటీ వచ్చింది. అయితే ఈ విషయంలో చిరంజీవి వైఖరి ఏంటనేది చర్చనీయాంశంగా మారింది.
Chiranjeevi : చిరంజీవి పై కొత్త టాక్…
అధికారిక సమావేశంలో చిరంజీవి పొలిటికల్ ఎంట్రీ గురించి పవన్ నమ్మినబంటు ప్రకటన చేయడం, అది మీడియాలో విస్తృతంగా ప్రచారం కావడం … తెలిసిన సంగతే. అయితే , చిరంజీవి జనసేన పార్టీకి అండగా ఉంటారనే విషయం పవన్ ఎందుకు ప్రకటించలేదు? అన్నది పెద్ద , ప్రథమ సందేహంగా నెటిజన్లు పేర్కొంటున్నారు. అదే సమయంలో జనసేన ప్రకటన తర్వాత కూడా చిరు ఔనని లేదా కాదని తన వైఖరి వెల్లడించలేదు. దీంతో జనసేన మద్దతు కు మెగాస్టార్ నో అంటున్నారని పలువురు సోషల్ మీడియాలో కామెంట్లు చేస్తున్నారు.