CM YS Jagan: నెల్లూరు జిల్లా ఆత్మకూరు అసెంబ్లీకి జరిగిన ఉప ఎన్నికల్లో వైసీపీ అభ్యర్ధి మేకపాటి విక్రమ్ రెడ్డి 82వేల ఓట్ల మెజార్టీతో విజయం సాధించిన సంగతి తెలిసిందే. వైసీపీ లక్ష మార్క్ మెజారిటీ నిర్దేశించుకున్నప్పటికీ పోలింగ్ శాతం తగ్గడంతో వారు ఆశించిన మెజార్టీ రాలేదు. విక్రమ్ రెడ్డి లక్షా 2వేల ఓట్లు వచ్చాయి. బీజేపీ అభ్యర్ధి భరత్ కుమార్ రెడ్డికి డిపాజిట్ కూడా దక్కలేదు. 20వేల లోపు ఓట్లు మాత్రమే వచ్చాయి. ఆత్మకూరు పోలింగ్ ఫలితంపై వైసీపీ అధినేత, సీఎం వైఎస్ జగన్మోహనరెడ్డి ట్విట్టర్ వేదికగా స్పందించారు.
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
ఉప ఎన్నికల్లో మేకపాటి విక్రమ్ రెడ్డికి ఘన విజయాన్ని అందించిన ఆత్మకూరు నియోజకవర్గ ప్రజలకు సీఎం వైఎస్ జగన్మోహనరెడ్డి కృతజ్ఞతలు తెలిపారు. “ప్రభుత్వం చేసిన మంచికి మద్దతుగా, గౌతమ్ కు నివాళిగా.. ఆత్మకూరు లో 83వేల భారీ మెజార్టీ తో విక్రమ్ ను దీవించిన ప్రతి అక్కకు, ప్రతి చెల్లెమ్మకు, ప్రతి సోదరుడికి, ప్రతి స్నేహితుడికి.. ప్రతి అవ్వకు, ప్రతి తాతకు పేరుపేరునా ధన్యావాదలు, మంచి చేస్తున్న ప్రభుత్వానికి దేవుడి చల్లని దీవెనలు, మీ అందరి అశ్సీస్సులే శ్రీరామరక్ష” అని సీఎం వైఎస్ జగన్ ట్వీట్ చేశారు.
