CM YS Jagan: చిరు ట్వీట్‌కి జగన్ స్పందన ఇదీ..!?

CM YS Jagan: మెగాస్టార్ చిరంజీవికి ఏపి ముఖ్యమంత్రి వైఎస్ జగన్మోహనరెడ్డి ధన్యవాదాలు తెలియజేశారు. రాష్ట్రంలో ఒకే రోజు 13.72 లక్షల కరోనా టీకాలు వేసిన సందర్భంగా సీఎం జగన్ కి చిరు ప్రశంసలు కురిపించిన సంగతి తెలిసిందే.  “ఏపిలోని ఆరోగ్య బృందాలు ఒకే రోజులో 13.72 లక్షల మందికి వ్యాక్సిన్ లు వేయడం అధ్భుతం. చాలా సంతోషంగా ఉంది. మీ ప్రయత్నాలు కోవిడ్ ను ఓడించడానికి ప్రతి ఒక్కరిలో విశ్వాసాన్ని నింపుతున్నాయి. టీం ఏపీకి మరింత శక్తి రావాలి. ఉత్తేజకరమైన నాయకత్వం ఉన్న జగన్ కు అభినందనలు” అంటూ చిరు నిన్న ట్వీట్ చేశారు.

దీనికి నేడు జగన్ రిప్లై ఇచ్చారు. చిరుకు కృతజ్ఞతలు తెలియజేశారు. “రాష్ట్ర ప్రభుత్వం తరపున మీ ప్రశంసలకు ధన్యవాదాలు. విలేజ్, వార్డు సెక్రటేరియట్స్, వాలంటీర్సు, ఏఎన్ఎంలు, ఆశావర్కర్లు, పిహెచ్‌సీ వైద్యులు, మండల అధికారులు, జిల్లా అధికారులు, జేసిలు, కలెక్టర్ లు చేసిన ప్రయత్నానికి మీ క్రెడిట్ దక్కుతుంది” అని జగన్ పేర్కొన్నారు.

అయితే ఓ పక్క రాష్ట్రంలో జగన్మోహనరెడ్డి సర్కార్‌ పాలనను చిరు సోదరుడు పవన్ కల్యాణ్ నేతృత్వంలోని జనసేన పార్టీ విమర్శిస్తుండగా, సమయం వచ్చినప్పడల్లా సీఎం జగన్ ను చిరు ప్రసంశలు కురిపించడం, అభినందలు తెలియజేయడం చేస్తుండటం చిరు, పవన్ అభిమానులను విస్మయానికి గురి చేస్తుంది. చిరు చర్యలు పవన్ అభిమానులను ఆందోళనకు గురి చేస్తున్నాయి. చిరు ట్వీట్ పై పవన్ శిబిరంలో అగ్రహావేశాలు వ్యక్తం అయినట్లు సమాచారం. జగన్ ను ప్రసంశిస్తూ చిరు ట్వీట్ చేయడం ఎంత వరకు సబలు అన్న దిశగా సోషల్ మీడియాలో సంచలన వ్యాఖ్యలు చేశారు. అభిమానుల తీరు ఇలా ఉంటే చిరు తీరును తప్పుబడుతూ పవన్ సంచలన వ్యాఖ్యలు చేసినట్లుగా ప్రచారం జరుగుతోంది. అన్నయ్య ఇలా ట్వీట్ చేసి ఉండాల్సింది కాదు అని పవన్ తన సన్నిహితుల వద్ద వ్యాఖ్యానించారట. పవన్ వ్యాఖ్యలు బయటకు తెలియడంతో పవన్ అభిమానులు మరింత ఘాటుగా చిరుపై కామెంట్స్ పోస్టు చేస్తున్నారు.

@KChiruTweets Garu, on behalf of the state government, I thank you for your kind words of appreciation. Credit goes to the team effort by the Village/Ward Secretariats, Volunteers, ANMs, ASHA workers, PHC doctors, Mandal Officers, District Officers, JCs & Collectors.

— YS Jagan Mohan Reddy (@ysjagan) June 23, 2021

sharma somaraju Content Editor

See Full Bio