AP High Court: ఐఏఎస్‌లకు జైలు శిక్షల నుండి ఊరట..! సింగిల్ బెంచ్ ఉత్తర్వులను సస్పెండ్ చేసిన డివిజన్ బెంచ్..!!

Share

AP High Court:  కోర్టు దిక్కరణ కేసులో ఐఏఎస్ లపై సింగిల్ బెంచ్ ఇచ్చిన ఆదేశాలను డివిజన్ బెంచ్ సస్పెండ్ చేసింది. 2015 నాటి భూసేకరణకు సంబంధించి ఓ కోర్టు దిక్కార కేసులో పలువురు ఐఏఎస్ అధికారులకు ఏపి హైకోర్టులో ఊరట లభించింది. బాధితులకు ఇప్పటికే పరిహారం అందినట్లు ఐఏఎస్ లు కోర్టుకు తెలపడంతో ఈ కేసులో తీర్పును సస్పెండ్ చేస్తూ డివిజన్ బెంచ్ ఉత్తర్వులు జారీ చేసింది.

contempt court case several ias officers get relief AP High Court
contempt court case several ias officers get relief AP High Court

భూసేకరణకు సంబందించి కోర్టు దిక్కార కేసులో పలువురు ఐఏఎస్ అధికారులకు కోర్టు జైలు శిక్ష, జరిమానా విధించిన సంగతి తెలిసిందే. రెవెన్యూ శాఖలో ముఖ్య కార్యదర్శిగా పని చేసిన మన్మోహన్ సింగ్ కు నాలుగు వారాల జైలు శిక్ష, వెయ్యి రూపాయల జరిమానా, ప్రస్తుత ఆర్థిక శాఖ ముఖ్య కార్యదర్శి షంషేర్ సింగ్ రావత్ కి నెల రోజుల జైలు శిక్ష, రెండు వేల రూపాయల జరిమానా, అప్పటి నెల్లూరు జిల్లా కలెక్టర్ రేవు ముత్యాలరాజుకు రెండు వారాల జైలు శిక్ష, వెయ్యి రూపాయల జరిమానా, అప్పటి మరో కలెక్టర్ ఎంవి శేషగిరిబాబు, ప్రస్తుత కలెక్టర్ ఎన్ వి చక్రధర్ లకు రూ.2వేల జరిమానా చొప్పున విధించిన సంగతి తెలిసిందే. అప్పీలుకు వెళ్లేందుకు వీలుగా న్యాయమూర్తి తన తీర్పును నాలుగు వారాల పాటు నిలుపుదల చేశారు. సింగిల్ బెంచ్ తీర్పుపై ఈ ఐఏఎస్ అధికారులు డివిజన్ బెంచ్ లో అప్పీల్ చేయగా గురువారం కేసు విచారించిన ధర్మాసనం సింగిల్ బెంచ్ తీర్పును సస్పెండ్ చేసింది. దీంతో ఐఏఎస్ అధికారులకు ఊరట లభించింది.

Read More: AP Govt: సుప్రీంలో ఏపి ప్రభుత్వానికి గట్టి షాక్..ఏకంగా లక్ష జరిమానా..


Share

Related posts

అచ్చెన్న విడుదలకు లీకులిస్తున్న వైకాపా నేతలు!

CMR

Big Breaking: శంషాబాద్ వద్ద ఘోర రోడ్డు ప్రమాదం – ఆరుగురు దుర్మరణం

somaraju sharma

రాజా… బూజా… వైసీపీకి కంట్లో నలుసు

Special Bureau