CPI Narayana Fires On Bigg Boss Show: బిగ్ బాస్ రియాలిటీ షో పై సీపీఐ నేత నారాయణ సీరియస్ కామెంట్స్..! కేంద్ర, రాష్ట్ర ప్రభుత్వాలు రద్దు చేయాలంటూ..

Share

CPI Narayana Fires On Bigg Boss Show: బిగ్ బాస్ రియాలిటీ షో రెండు తెలుగు రాష్ట్రాల్లో ప్రేక్షకుల ఆదరణ పొందుతోంది. ఈ రియాలిటీ షో నిర్వహణపై ప్రజల నుండి మిశ్రమ స్పందన ఉన్నప్పటికీ బాగానే ప్రాచుర్యం పొందుతోంది. అయితే ఈ బిగ్ బాస్ రియాలిటీ షో పై సీపీఐ జాతీయ ప్రధాన కార్యదర్శి నారాయణ సంచలన వ్యాఖ్యలు చేశారు. గతంలోనూ బిగ్ బాస్ షోల పై తీవ్ర అభ్యంతరం, విమర్శలు చేసిన నారాయణ మరో సారి తీవ్ర వ్యాఖ్యలు చేశారు. పూర్తిగా కల్చర్ ను డామేజ్ చేస్తుందని మండిపడ్డ నారాయణ బిగ్ బాస్ షో ను వెంటనే నిలిపివేయాలని డిమాండ్ చేశారు. ఈ షో వల్ల సమాజంలో ఎవరికైనా ఉపయోగం ఉందా అని ప్రశ్నించిన నారాయణ… సమాజంలో విష సంస్కృతిని పెంచుతోందని ఆరోపించారు. అసలు కేంద్ర రాష్ట్ర ప్రభుత్వాలు బిగ్ బాస్ షోలకు ఎలా అనుమతులు ఇస్తున్నాయని ఆగ్రహం వ్యక్తం చేశారు.

CPI Narayana Fires On Bigg Boss Show
CPI Narayana Fires On Bigg Boss Show

ఈ షో పేరుతో వేల కోట్ల వ్యాపారం జరుగుతోందని విమర్శించిన నారాయణ షో చూస్తుంటే కావాలనే కొట్లాటలు, అనైతిక విధానాలతో షో కొనసాగుతోందని విమర్శించారు. గతంలోనూ తాను ఈ షోలపై అభ్యంతరాలు వ్యక్తం చేస్తూ పోలీస్ స్టేషన్ లో ఫిర్యాదు చేస్తే తమకు సంబంధం లేదు కోర్టుకు వెళ్లాలని సూచించారన్నారు. తాను కోర్టుకు వెళ్లినా న్యాయ వ్యవస్థ సాయం చేయలేదన్నారు. పనికి మాలిన ప్రోగ్రామ్ లను అనుమతించడం అనైతికమని అన్నారు. యువతకు, విద్యార్థులకు ఏ మాత్రం ఉపయోగపడని ఈ షోలను సామూహిక బహిష్కరణ చేయాలని పిలుపు నిచ్చారు నారాయణ.

ఇదే క్రమంలో బిగ్ బాస్ హోస్ట్ గా వ్యవహరిస్తున్న ప్రముఖ సినీ నటుడు అక్కినేని నాగార్జున పైనా సీరియస్ కామెంట్స్ చేశారు నారాయణ. ఓ వ్యక్తి ముందు ముగ్గురు హీరోయిన్ల ఫోటోలు చూపుతూ నాగార్జున అడిగిన ప్రశ్నలను ఆయన ప్రస్తావిస్తూ.. ఆ ముగ్గురిలో ఎవరితో ముద్దు పెడతావు..ఎవరితో డేటింగ్ చేస్తావు, ఎవరితో పెళ్లి చేసుకుంటావు అంటూ అడిగారనీ, అమాయకులు కాబట్టి అలా అడుగుతున్నారని అన్నారు. ఇదే సమయంలో నాగార్జున కుటుంబంలోని వారి ఫోటోలు పెట్టి ఎందుకు అడగరంటూ సంచలన కామెంట్స్ చేశారు. ఇది ఏమి వినోదం అంటూ ఆగ్రహం వ్యక్తం చేశారు. అదంతా ఓ బూతు ప్రపంచంగా కనిపిస్తోందనీ, పిల్లలను చెడగొడుతున్నారనీ సీరియస్ అయ్యారు. కేంద్ర రాష్ట్ర ప్రభుత్వాలు ఇలాంటి షోలకు అనుమతులు ఇవ్వకూడదని డిమాండ్ చేశారు నారాయణ. బిగ్ బాస్ షో పై నారాయణ చేసిన వ్యాఖ్యలు సోషల్ మీడియాలో వైరల్ అవుతున్నాయి. అయితే నారాయణ చేసిన వ్యాఖ్యలపై బిగ్ బాస్ రియాలిటీ షో నిర్వహకులు ఏ విధంగా వివరణ ఇస్తారో చూడాలి మరి.


Share

Related posts

నేను సీఎం అవుతాను… బీజేపీలోకి ఎందుకు వెళ‌తా?

sridhar

వైసీపీ కొంప ముంచుతున్నపేదల ఇళ్ల పట్టాల పంపిణీ కార్యక్రమం..!!

sekhar

గ్యాస్ లీకేజీ కేసు : జగన్ మళ్ళీ వైజాగ్ కి ?

arun kanna