CM YS Jagan: ఏపి ముఖ్యమంత్రి వైఎస్ జగన్మోహనరెడ్డి ప్రస్తుతం పారిస్ పర్యటనలో ఉన్న సంగతి తెలిసిందే. తన కుమార్తె హర్ష ప్రఖ్యాత ఇన్ సీడ్ బిజినెస్ స్కూల్ నందు పీజీ పూర్తి చేసిన సందర్భంగా జరుగుతున్న గ్రాడ్యుయేషన్ కన్వోకేషన్ వేడుక లో పాల్గొనేందుకు ఇటీవల సతీమణి భారతితో కలిసి పారిస్ వెళ్లారు. ఈ రోజు హర్ష గ్రాడ్యుయేషన్ కాన్వోకేషన్ వేడుకల్లో సతీసమేతంగా పాల్గొన్నారు. కుమార్తె హర్ష మాస్టర్ డిగ్రీ తీసుకున్న సందర్భంగా తన ప్రేమను సీఎం జగన్ ట్విట్టర్ ద్వారా పంచుకున్నారు.
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
డియర్ హర్ష, నీ అద్భుతమైన ఎదుగుదలను చూసి మాకు ఎంతో గర్వంగా ఉంది. నీకు దేవుడి ఆశీస్సులు ఎల్లప్పుడూ ఉంటాయి. ఇన్ సీడ్ బిజినెస్ స్కూల్ నుంచి డిస్టింక్షన్ లో పాస్ అయినందుకు నేను గర్వపడుతున్నాను. డిస్టింక్షన్ తో పాటు డీన్స్ జాబితాలోనూ చోటు సంపాదించడం సంతోషంగా ఉంది. భవిష్యత్తులో భగవంతుడు నీకు అన్ని విధాలుగా తోడుగా నిలవాలని కోరుకుంటున్నాను అంటూ సీఎం జగన్ ట్వీట్ చేశారు. సోషల్ మీడియాలో ఈ ట్వీట్ వైరల్ అయ్యింది. సీఎం జగన్ కుమార్తె హర్షకు నెటిజన్ లు శుభాకాంక్షలు తెలియజేస్తున్నారు.
