ఇటీవల ఒంగోలు జిల్లాలో జనసేన పార్టీకి చెందిన కార్యకర్త వెంగయ్య సూసైడ్ చేసుకుని చనిపోవటం అందరికీ తెలిసిందే. ఈ క్రమంలో జనసేన అధినేత పవన్ కళ్యాణ్ నిన్న వెంగయ్య కుటుంబాన్ని పరామర్శించి.. తన పార్టీ కార్యకర్త కి కారణమైన అన్నా రాంబాబు ని వదిలిపెట్టే ప్రసక్తి లేదని, అసెంబ్లీలో కూడా అడుగుపెట్టనివ్వను అంటూ సంచలన డైలాగులు వేయటం ఏపీ రాజకీయాల్లో పెద్ద చర్చనీయాంశం అయిన సంగతి తెలిసిందే.
ఇటువంటి తరుణంలో తాజాగా పవన్ కళ్యాణ్ చేసిన వ్యాఖ్యలకు స్పందించారు గిద్దలూరు ఎమ్మెల్యే అన్నా రాంబాబు. తాను తప్పు చేయలేదని కావాలంటే గిద్దలూరు లో మళ్లీ ఎన్నికలకు రావాలి అంటూ పవన్ కళ్యాణ్ కి సవాల్ విసిరారు. ఈ క్రమంలో తాను ఓడిపోతే పూర్తిగా రాజకీయాల నుండి తప్పుకుంటా అదేవిధంగా ఎటువంటి శిక్ష అయినా అనుభవిస్తా, మీ పార్టీ ఓడిపోతే పార్టీని మూసేస్తారా అంటూ చాలెంజ్ చేశారు. వెంగయ్య ఆత్మ హత్య ఘటనలో తన ప్రమేయం లేదని తనకెలాంటి సంబంధం లేదని అక్రమాలకు పాల్పడలేదని చెప్పుకొచ్చారు.
ప్రశ్నించడానికి రాజకీయాల్లోకి వచ్చాను అని డైలాగులు వేసే పవన్ కళ్యాణ్ .. చంద్రబాబుతో కలిసి ప్రయాణం చేసినప్పుడు 23 మంది వైసీపీ ఎమ్మెల్యేలను లాక్కుంటే .. అప్పుడు ఎందుకు ప్రశ్నించలేదు అని పేర్కొన్నారు. ప్రసంగాలలో గొప్ప వాళ్ళ పేర్లు ప్రస్తావించడం కాదు.. ఆ సిద్ధాంతాలను ఆచరించాలని తెలిపారు. తలలు తెగిపడతాయని డైలాగులు వేయటం అనే మాటలు పార్టీ అధినేత మాట్లాడాల్సిన మాటలేనా అంటూ వైసీపీ ఎమ్మెల్యే అన్నా రాంబాబు ప్రశ్నించారు. ఇదిలాఉంటే అన్నా రాంబాబు చేసిన సవాలు ఏపీ రాజకీయ వర్గాల్లో సంచలనం సృష్టిస్తోంది. నిజంగా పవన్ కళ్యాణ్ కి మళ్లీ ఎన్నికలకు వచ్చే దమ్ముందా అనే డిస్కషన్లు జరుగుతున్నాయి. కేవలం 2019 ఎన్నికల ప్రచారం మాదిరిగా డైలాగుల రాజకీయం తప్ప.. డేరింగ్ అండ్ డాషింగ్ తరహాలో ఎన్నికలకు వైసీపీ ఎమ్మెల్యే చేసిన ఛాలెంజ్ కి స్పందిస్తారా అన్నది సస్పెన్స్ గా నెలకొంది.
