Tatineni Ramarao: టాలివుడ్ ను వరుస విషాదాలు వెంటాడుతున్నాయి. ఇటీవల కాలంలో పలువురు సినీ ప్రముఖులు అనారోగ్యంతో కన్ను మూసిన సంగతి తెలిసిందే. తాజాగా ప్రముఖ సినీ దర్శకుడు తాతినేని రామారావు మృతి చెందారు. గత కొద్ది రోజులుగా చెన్నైలోని శ్రీరామచంద్ర మెడికల్ కళాశాల హాస్పటల్ లో చికిత్స పొందుతన్న తాతినేని రామారావు మంగళవారం అర్ధరాత్రి తుది శ్వాస విడిచారు.
- Read the latest news from NEWSORBIT
- Follow us on facebook , Twitter , instagram and Googlenews
Tatineni Ramarao: 50కిపైగా చిత్రాలకు దర్శకత్వం
1938 లో కృష్ణాజిల్లా కపిలేశ్వరపురం గ్రామంలో తాతినేని రామారావు జన్మించారు. 1962 నుండి 2000 సంవత్సరం వరకు తెలుగు, హిందీ భాషల్లో కలిపి సుమారు 50కిపైగా చిత్రాలను ఆయన దర్శకత్వం చేశారు. సీనియర్ ఎన్టీఆర్ యమగోల చిత్రానికి ఆయనే దర్శకత్వం వహించారు. తాతినేని రామారావు మృతి పట్ల పలువురు సినీ ప్రముఖులు సంతాపం తెలియజేస్తున్నారు. ఆయన కుటుంబ సభ్యులకు ప్రగాఢ సానుభూతి తెలియజేస్తున్నారు.
