NewsOrbit
ఆంధ్ర‌ప్ర‌దేశ్‌ న్యూస్ బిగ్ స్టోరీ రాజ‌కీయాలు

ఢిల్లీలో బీజేపీ పెద్దలతో మాజీ సీఎం కిరణ్ కుమార్ రెడ్డి వరుస భేటీలు.. హుటాహుటిన ఢిల్లీకి సోము వీర్రాజు .. మ్యాటర్ ఏమిటంటే..?

రీసెంట్ గా బీజేపీలో చేరిన మాజీ సీఎం నల్లారి కిరణ్ కుమార్ రెడ్డి ఢిల్లీలో వరుసగా ఆ పార్టీ పెద్దలతో భేటీ అవుతున్నారు. కేంద్ర మంత్రి ప్రహ్లాద్ జోషి చేతుల మీదుగా పార్టీ కండువా కప్పుకున్న కిరణ్ కుమార్ రెడ్డి  అదే రోజు రాత్రి పార్టీ జాతీయ అధ్యక్షుడు జెపి నడ్డాను కలిశారు. ఏపిలో తాజా రాజకీయ పరిణామాలపై చర్చించారని సమాచారం. ఆ మరుసటి రోజు కేంద్ర హోంశాఖ మంత్రి అమిత్ షా, మరో మంత్రి కిషణ్ రెడ్డి, బీజేపీ కీలక నేత బీఎల్ సంతోష్ ఇలా వరుసగా నేతలతో సమావేశమై చర్చలు జరుపుతున్నారు. ఈ తరుణంలోనే ఏపి బీజేపీ అధ్యక్షుడు సోము వీర్రాజు హుటాహుటిన ఢిల్లీకి బయలుదేరారు. పార్టీ అధినాయకత్వం పిలుపు మేరకు ఆయన హుటాహుటిన ఢిల్లీకి పయనమయినట్లుగా వార్తలు వినబడుతున్నాయి. ఢిల్లీలో కిరణ్ రెడ్డిని కలిశారు. అనంతరం కిరణ్ కుమార్ రెడ్డి, సోము వీర్రాజు, విష్ణువర్ధన్ రెడ్డి లు కేంద్ర మంత్రి కిషన్ రెడ్డితో సమావేశమైయ్యారు.

Kiran Kumar Reddy Amit Shah

 

ఇటీవలే జనసేన అధినేత పవన్ కళ్యాణ్ బీజేపీ జాతీయ అధ్యక్షుడు జేపి నడ్డాతో సమావేశం కావడం, ఆ తర్వాత కిరణ్ కుమార్ రెడ్డి చేరిక నేపథ్యంలో సోము వీర్రాజుకు పిలుపు రావడం రాజకీయ వర్గాల్లో హాట్ టాపిక్ అయ్యింది. దీంతో బీజేపీ ఏపి రాజకీయాల్లో ఎలాంటి పరిణామాలు చోటు చేసుకుంటాయి అనే దానిపై సర్వత్రా ఉత్కంఠ నెలకొంది. సోము వీర్రాజు మూడు రోజుల పాటు ఢిల్లీలోనే ఉంటారని పార్టీ వర్గాలు చెబుతున్నాయి. రాష్ట్రంలో పార్టీ పరిస్థితిపై చర్చించే అవకాశాలు ఉన్నాయి. రాష్ట్రంలో పొత్తుల అంశంపై సోము వీర్రాజుతో పార్టీ అధినాయకత్వం చర్చించే అవకాశాలు ఉన్నాయని అంటున్నారు. మరో పక్క కిరణ్ కుమార్ రెడ్డి సేవలను ఏపిలోనే కాకుండా తెలంగాణతో పాటు ప్రస్తుతం ఎన్నికలు జరగనున్న కర్ణాటకలోనూ వినియోగించుకోవాలన్న యోచనలో బీజేపీ పెద్దలు ఉన్నారని సమాచారం. అయితే కిరణ్ కుమార్ రెడ్డి బీజేపీలో ఎటువంటి పదవి ఇస్తారు అనేది చర్చనీయాంశం అవుతోంది.సోము వీర్రాజు వ్యవహార శైలిపై ఇప్పటికే పార్టీలోని కొందరు అధిష్టానానికి ఫిర్యాదు చేసినట్లు గా కూడా వార్తలు వచ్చారు. ఈ నేపథ్యంలో సోము వీర్రాజును తప్పించి కిరణ్ కుమార్ రెడ్డి పార్టీ అధ్యక్ష బాధ్యతలు అప్పగిస్తారా..? లేక పార్టీ కేంద్ర కమిటీలో చోటు కల్పిస్తారా..? అనేది వేచి చూడాలి.

Kiran Kumar Reddy BL Santosh

 

సోము వీర్రాజు అధ్యక్షుడు కాకముందు కాంగ్రెస్ పార్టీ నుండే బీజేపీలో చేరిన మాజీ మంత్రి కన్నా లక్ష్మీనారాయణకు పార్టీ పగ్గాలు అప్పగించింది. కన్నా లక్ష్మీనారాయణ పార్టీ అధ్యక్షుడుగా ఉన్నన్నాళ్లు అధికార వైసీపీపై తీవ్రంగానే స్పందించారు. ఆ తర్వాత సోము వీర్రాజుకు పార్టీ పగ్గాలు అప్పగించిన తర్వాత వైసీపీపై కన్నా మాదిరిగా అంత దూకుడుగా వ్యవహరించలేదు. బీజేపీలో అధికార వైసీపీ, ప్రతిపక్ష టీడీపీ నుండి భారీగా చేరికలు ఉంటాయంటూ పలు మార్లు సోము వీర్రాజు స్టేట్ మెంట్ లు అయితే ఇచ్చారు కానీ అవి నీటి మీద రాతలే అయ్యాయి. సోము వీర్రాజు అధ్యక్ష బాధ్యతలు చేపట్టిన తర్వాత చెప్పుకోదగ్గ నాయకులు ఎవరూ బీజేపీలో చేరలేదు. పార్టీ బలోపేతం అయిన పరిస్థితి లేదు. దానికి తోడు సోము వ్యవహార శైలి నచ్చక మాజీ అధ్యక్షుడు కన్నా లక్ష్మీనారాయణ బీజేపీకి రాంరాం చెప్పి టీడీపీ లో చేరిపోయారు. ఈ పరిణామాల క్రమంలో సోము వీర్రాజుకు ఢిల్లీ నుండి కబురు రావడంతో ఏమి జరగబోతున్నది అన్నది ఆసక్తికరంగా మారింది. త్వరలో పార్టీ అధిష్టానం ఎటువంటి నిర్ణయాలు తీసుకుంటుందో వేచి చూడాలి.

Read More: మోడీ నోట.. జగన్ మాట

Kirankumar reddy kishan reddy somu veerraju

 

author avatar
sharma somaraju Content Editor

Related posts

BRS MP: సీఎం రేవంత్ రెడ్డితో బీఆర్ఎస్ ఎంపీ కే కేశవరావు భేటీ .. తండ్రీ, తనయ కాంగ్రెస్ లో చేరికకు ముహూర్తం ఖరారు

sharma somaraju

Legend: 10 ఏళ్లు పూర్తి చేసుకున్న లెజెండ్‌.. అప్ప‌ట్లో ఈ చిత్రం ఎన్ని కోట్లు రాబట్టిందో తెలుసా?

kavya N

Elon Musk: ఆ ఎక్స్ యూజర్లలకు ‘మస్క్’ గుడ్ న్యూస్

sharma somaraju

విజ‌య‌వాడ ప‌శ్చిమ‌లో ‘ సుజ‌నా చౌద‌రి ‘ గెల‌వాలంటే ఈ అద్భుతం జ‌ర‌గాల్సిందే..!

విజ‌య‌వాడ‌లో కూట‌మి ఇలా చేసేంటే అదిరేదిగా… ఈ కామ‌న్ సెన్స్ కూడా లేకుండా పాయే..!

కొలిక‌పూడి శ్రీను సీటు కూడా చంద్ర‌బాబు పీకేస్తున్నాడా…!

ప‌వ‌న్‌ను వ‌దిలి జ‌గ‌న్ చెంత‌కు… ఇప్పుడు ఓట‌మితో పోరాటం చేస్తున్నాడుగా..!

KTR: రాజకీయ బేహారులకు ప్రజలే జవాబు చెప్తారు – కేటీఆర్

sharma somaraju

పేట మాట: లావు ఇంట్లో కూర్చున్నా.. గెలిచేస్తాడు.. లెక్క మామూలుగా లేదుగా..!

YSRCP: చంద్రబాబుకు ఓటేస్తే పదేళ్లు వెనక్కి – జగన్

sharma somaraju

Breaking: బిఆర్ఎస్ కు బిగ్ షాక్ ఇచ్చిన వరంగల్ లోక్ సభ అభ్యర్ధి కడియం కావ్య .. పోటీ నుండి తప్పుకుంటున్నట్లు కేసిఆర్ కు లేఖ

sharma somaraju

BRS: బిఆర్ఎస్ కు బిగ్ షాక్ .. కాంగ్రెస్ పార్టీలో చేరనున్న కేకే, మేయర్ విజయలక్ష్మి

sharma somaraju

YS Viveka Case: ఎంపీ అవినాష్ రెడ్డి ముందస్తు బెయిల్ రద్దు పిటిషన్ పై హైకోర్టులో విచారణ

sharma somaraju

Arvind Kejriwal: కేజ్రీవాల్ కు మరో షాక్ .. ఏప్రిల్ 1 వరకూ కస్టడీ పొడిగింపు

sharma somaraju

Bapatla: టీడీపీ అభ్యర్ధి కంపెనీలో సోదాలు .. భారీగా నగదు స్వాధీనం

sharma somaraju