Goutham Savang: ఏపీపీఎస్సీ చైర్మన్ గా మాజీ డీజీపీ గౌతమ్ సవాంగ్ బాధ్యతలు చేపట్టారు. విజయవాడ బందరు రోడ్డులోని ఏపీపీఎస్సీ కార్యాలయంలోని ఛాంబర్ లో గురువారం గౌతమ్ సవాంగ్ బాధ్యతలు స్వీకరించారు. ఏపీపీఎస్సీ చైర్మన్ గా ప్రమాణ స్వీకారం చేశారు. అనంతరం గౌతమ్ సవాంగ్ ఛాంబర్ లో పూజలు చేసి వద ఆశీర్వాదం తీసుకున్నారు. గౌతమ్ సవాంగ్ ఎక్కువ కాలం డీజీపీగా కొనసాగిన రికార్డు సొంతం చేసుకున్నారు. రెండు సంవత్సరాల 8 నెలల 18 రోజుల పాటు ఆయన ఏపీ డీజీపీగా బాధ్యతలు నిర్వహించారు.
Read More: YS Jagan KCR: కేసిఆర్, జగన్ ఇద్దరూ ముందస్తుకే..!? ఎవరి సీక్రెట్ ప్లాన్స్ వారివే..!
Goutham Savang: 17 నెలల ఐపీఎస్ సర్వీస్ వదులుకుని..
ఇటీవల రాష్ట్ర ప్రభుత్వం డీజీపీ గౌతమ్ సవాంగ్ ను బదిలీ చేసి ఆయన స్థానంలో మరో సీనియర్ ఐపీఎస్ అధికారి రాజేంద్రనాథ్ రెడ్డిని నియమించిన సంగతి తెలిసిందే. ఈ సమయంలో గౌతమ్ సవాంగ్ కు పోస్టింగ్ ఇవ్వకుండా జీఏడీకి రిపోర్టు చేయాలని బదిలీ ఉత్తర్వులో పేర్కొన్నారు. ఆ మరుసటి రోజే గౌతమ్ సవాంగ్ ను ఏపీపీఎస్సీ చైర్మన్ గా నియమిస్తున్నట్లు ప్రభుత్వం ప్రకటించింది. ఏపీపీఎస్సీ చైర్మన్ గా గౌతమ్ సవాంగ్ నియామకానికి సంబంధించిన ప్రతిపాదన ఫైల్ ను ప్రభుత్వం గవర్నర్ ఆమోదం కొరకు రాజ్ భవన్ కు పంపడం, ఆ వెంటనే గవర్నర్ బిశ్వభూషణ్ హరిచందన్ ఆమోదించడం జరిగిపోయాయి. ఈ నేపథ్యంలోనే గౌతమ్ సవాంత్ తన 17 నెలల ఐపీఎస్ సర్వీస్ వదులుకున్నారు. ఏపీపీఎస్సీ చైర్మన్ గా గౌతమ్ సవాంగ్ అయిదు సంవత్సరాలు కొనసాగనున్నారు.
Read More: Big Breaking: వివేకా కేసు దర్యాప్తు సీబీఐ అధికారి రామ్ సింగ్ కు హైకోర్టులో బిగ్ రిలీఫ్.. కేసుపై స్టే
