గురువారం వేకువ జాము నుండి దట్టంగా పొగమంచు కురవడంతో విజయవాడ – హైదరాబాద్ జాతీయ రహదారిపై వాహనచోదకులు తీవ్రంగా ఇబ్బందులు పడ్డారు. పొగమంచు కారణంగా ముందు ఏమున్నదో కనిపించని పరిస్థితి నెలకొంది. జాతీయ రహదారిపై వాహనదారులు వేగాన్ని తగ్గించుకుని స్లోగా వెళ్లాల్సిన పరిస్థితి ఏర్పడింది. పొగమంచు ప్రభావం విమాన సర్వీసులపైనా పడింది.
విజయవాడ అంతర్జాతీయ విమానాశ్రయానికి రావాల్సిన పలు విమాన సర్వీసులకు తీవ్ర అంతరాయం ఏర్పడింది. ఉదయం 7.30 గంటలకు రావాల్సిన ఢిల్లీ – బెంగళూరు సర్వీలసులు రెండు గంటల ఆలస్యమయ్యాయి. వాతావరణం అనుకూలించకపోవడంతో గన్నవరం విమానాశ్రయానికి చేరుకున్న స్పైస్ జెట్, ఇండిగో విమానాలు దాదాపు అరగంట పాటు గాల్లోనే చక్కర్లు కొట్టాయి.
ఇది కూడా చదవండి..రాజకీయ కారణాలతోనే పోలీసులపై ఆరోపణలు..డీజీపీ గౌతమ్ సవాంగ్..!!