KCR: కేసీఆర్‌… జ‌గ్గారెడ్డి అనే వీరాధివీరుడి గురించి నీకు తెలుసా?

Share

KCR: రాజ‌కీయ నేత‌ల్లో కొంద‌రికి మీడియాలో ఉండ‌టం ఇష్టం. ఇందుకోసం కొంద‌రు సంచ‌ల‌న వ్యాఖ్య‌లు చేస్తుంటారు. తెలంగాణ ముఖ్య‌మంత్రి కేసీఆర్ టార్గెట్ గా కాంగ్రెస్ ఎమ్యెల్యే జగ్గారెడ్డి తాజాగా చేసిన‌ వ్యాఖ్యలు ఈ కోవ‌లోకి చెందిన‌వే అంటూ ప‌లువురు కామెంట్ చేస్తున్నారు. గాంధీభవన్ లో జరిగిన విలేక‌రుల‌ సమావేశంలో జ‌గ్గారెడ్డి మాట్లాడుతూ ఇటు కాంగ్రెస్ పార్టీ అంత‌ర్గ‌త ప‌రిణామాల గురించి అటు ముఖ్య‌మంత్రి కేసీఆర్ గురించి సైతం కీల‌క వ్యాఖ్య‌లు చేశారు.

Read More: L.Ramana: బిగ్ బ్రేకింగ్ః టీఆర్ఎస్‌లోకి ఎల్.ర‌మ‌ణ‌…

పార్టీలో ప‌రిస్థితి ఇది

తాను పీసీసీ అధ్య‌క్ష పీఠం ఇవ్వాల‌ని అడుగుతున్నప్ప‌టికీ ఢిల్లీ పెద్ద‌ల‌ చర్చల్లో తన పేరు లేకపోవడం దురదృష్టక‌ర‌మ‌ని జ‌గ్గారెడ్డి వాపోయారు. తెలంగాణ‌ ఉద్యమం ఉధృతంగా ఉన్నపుడు బాంబే హైవేపై మీద కేసీఆర్ ను అడ్డగించిన చరిత్ర తనది అని జ‌గ్గారెడ్డి పేర్కొన్నారు. అలాంటి త‌న పోరాట ప‌టిమ త‌మ పార్టీ రాష్ట్ర వ్య‌వ‌హారాల ఇంచార్జీ మాణిక్కం ఠాగూర్ కు తెలియ‌క‌పోవడం తన దురదృష్టం అని జ‌గ్గారెడ్డి వాపోయారు. ఠాగూర్ తనపై చిన్న చూపు చూస్తున్నారని ఈ సంద‌ర్భంగా జ‌గ్గారెడ్డి సంచ‌ల‌న వ్యాఖ్య‌లు చేశారు. ఠాగూర్ త‌న‌ను తెలంగాణలో బలమైన నాయకుడిగా గుర్తించకపోవడం త‌న దురదృష్టమని జ‌గ్గారెడ్డి ఆవేదన వ్యక్తం చేశారు. అధ్య‌క్ష ప‌ద‌వి విష‌యంలో క్రమశిక్షణ కలిగిన కార్యకర్తగా హై కమాండ్ ఏ నిర్ణయం తీసుకున్నా కట్టుబడి ఉంటానని పేర్కొన్నారు. పార్టీ సీనియ‌ర్ నేత వీహెచ్‌ను కొందరు బెదిరించడాన్ని ఖండిస్తున్నట్లు జ‌గ్గారెడ్డి తెలిపారు. బెదిరించేవారు ఫోన్ నంబర్ పెట్టాలని.. తాను వచ్చి మాట్లాడతానని వ్యాఖ్యానించారు.

Read More: Corona: వాట్సాప్ తో క‌రోనా టెస్ట్ … ఎంత ఈజీగా చేసుకోవ‌చ్చంటే…

కేసీఆర్ ను దించే మెడిసిన్ నా ద‌గ్గ‌రే
ఈ సంద‌ర్భంగా తెలంగాణ సీఎం కేసీఆర్ గురించి జ‌గ్గారెడ్డి ఆస‌క్తిక‌ర కామెంట్లు చేశారు. కేసీఆర్ ను రాజకీయంగా అడ్డుకోవడం తనతోనే సాధ్యమని జ‌గ్గారెడ్డి తెలిపారు. తెలంగాణ సీఎం ప‌ద‌వి నుంచి కేసీఆర్ ను గద్దె దింపే మెడిసిన్ తన దగ్గర ఉందని ఆయ‌న చెప్పుకొచ్చారు. తాను చెబుతున్నది కామెడీ కాదు సీరియస్ అని కూడా ఆయ‌న సూచించారు.


Share

Related posts

Koo app : ఈ యాప్ కు తెలుగు వారి విశేష ఆదరణ..!!

bharani jella

బిగ్ బాస్ 4: గ్రాండ్ ఫినాలే కి సంబంధించిన ఆ వార్త ఫేక్ అంట..??

sekhar

తెలంగాణలో టీడీపీ ఖాళీ అవుతుందా?

Siva Prasad