Lock down : తెలంగాణ రాష్ట్రంలో లాక్ డౌన్ పొడగింపుపై త్వరలోనే నిర్ణయం వెలువడనుందా? ప్రస్తుతం ఉన్న ఆదేశాల ప్రకారం మే 31వ తేదీ వరకు అమల్లో ఉన్న లాక్ డౌన్ మరికొద్ది రోజుల పాటు కొనసాగించే అవకాశం ఉందా? అంటే అవుననే అంచనాలు వేస్తున్నాయి వివిధ వర్గాలు. ప్రస్తుతం కరోనా కట్టడిలో భాగంగా కేవలం 4 గంటలు మాత్రమే మినహాయింపు ఇస్తూ పది గంటల అనంతరం లాక్ డౌన్ కట్టుదిట్టంగా అమలు చేస్తున్నారు. అయితే, ఇందులో సవరణలు చేస్తూ లాక్ డౌన్ పొడగించవచ్చునని చెప్తున్నారు.
Read More: KCR: తెలంగాణలో కేసీఆర్ దిమ్మతిరిగి పోయే కుంభకోణం బట్టబయలు?
లాక్ డౌన్ ఫలితాలు భేష్
కరోనా కట్టడిలో భాగంగా ఉదయం 6 గంటల నుంచి 10 గంటల వరకు మాత్రమే అనుమతినిస్తూ మిగతా సమయాల్లో లాక్ డౌన్ అమలు చేయడం వల్ల వైరస్ వ్యాప్తి తగ్గిందని ప్రభుత్వం భావిస్తోంది. ఈ మేరకు ముఖ్యమంత్రి కేసీఆర్ కూడా తాజాగా ఇదే అభిప్రాయం వ్యక్తం చేశారు. లాక్ డౌన్ అమలు, ఇతర పరిస్థితులపై సమీక్ష సందర్భంగా సీఎం కేసీఆర్ పాజిటివ్ కేసుల సంఖ్య గణనీయంగా తగ్గుతుందన్న భావన వ్యక్తం చేశారు. అయితే, వివిధ కారణాల వల్ల లాక్ డౌన్ పొడగిపు వైపే మొగ్గు చూపుతున్నట్లు సమాచారం.
Read More: Harish Rao: హరీశ్ రావు ఆరోగ్య మంత్రి అయిపోయినట్లేనా?
పొడగింపే మార్గమా?
కరోనా కేసులు మరింత తగ్గాలంటే లాక్ డౌన్ మరికొన్ని రోజులు పొడిగించాలనే అనే దానిపై ప్రభుత్వం ఆలోచిస్తోందని సమాచారం. లాక్ డౌన్ లో అవసరమైతే మరిన్ని సడలింపులు ఇచ్చి అయినా మరో వారం రోజులు పొడిగిస్తే..కరోనా వ్యాప్తిని భారీగా తగ్గించవచ్చని తెలంగాణ సర్కారు భావిస్తోందని తెలుస్తోంది. ఈ నేపథ్యంలో ఒకట్రెండు రోజుల్లో నిర్ణయం వెలువడనుందని సమచారం.