MAA Elections: ప్రకాశ్ రాజ్ సంచలన వ్యాఖ్యలు..! నరేశ్, విష్ణు వ్యాఖ్యలకు కౌంటర్ కామెంట్స్ ఇవీ..!!

Share

MAA Elections: మూవీ ఆర్టిస్ట్ అసోసియేషన్ (మా) ఎన్నికలు దగ్గర పడుతున్న వేళ ఇరు పక్షాల ప్యానల్ నుండి మాటల తూటాలు పేలుతున్నాయి. మా ఎన్నికల్లో విలక్షణ నటుడు ప్రకాష్ రాజ్, యువనటుడు మంచు విష్ణు ప్యానల్ తలపడుతున్న సంగతి తెలిసిందే. జనరల్ సెక్రటరీ పదవికి నామినేషన్ దాఖలు చేసిన నిర్మాత బండ్ల గణేష్ నామినేషన్ ను ఉపసంహరించుకుని ప్రకాష్ రాజ్ ప్యానల్ కు మద్దతు పలికారు. కాగా ఇటీవల నరేశ్, విష్ణు చేసిన వ్యాఖ్యలపై ప్రకాష్ రాజ్ ఘాటుగా స్పందించారు. ఓ టీవీ ఛానల్ కు ఇచ్చిన ఇంటర్వ్యూలో ప్రకాశ్ రాజ్ సంచలన వ్యాఖ్యలు చేశారు. మా ఎన్నికల్లో చిరంజీవి, కృష్ణ వంటి పెద్ద వారిని ఎందుకు లాగుతున్నారంటూ ప్రత్యర్థి ప్యానెల్ పై మండిపడ్డారు.

MAA Elections: prakash raj serious comments on naresh and vishnu
MAA Elections: prakash raj serious comments on naresh and vishnu

 

MAA Elections: నరేశ్ మాట్లాడేవన్నీ అబద్దాలు

నరేశ్ వ్యాఖ్యలపై ప్రకాశ్ రాజ్ మాట్లాడుతూ తాను చెప్పని మాటలను చెప్పానని నరేశ్ అబద్దాలు మాట్లాడుతున్నారనీ, ఆయన మర్యాదగా మాట్లాడటం నేర్చుకోవాలని అన్నారు. మీరు పవన్ కళ్యాణ్ వైపు ఉన్నారా లేక ఇండస్ట్రీ వైపు ఉన్నారా అని మంచు విష్ణు ప్రశ్నించడాన్ని ప్రకాశ్ రాజ్ తప్పుబట్టారు. పవన్ ఇండస్ట్రీ వ్యక్తి కాదా అని ప్రకాశ్ రాజ్ ప్రశ్నించారు. “పవన్ ప్రసంగాన్ని విశ్లేషించాలి, మొదట ఆయన సినీ నటుడు, ఆ తర్వాతే రాజకీయ నాయకుడు, విష్ణు మాట్లాడేటప్పుడు నోరు అదుపులో పెట్టుకోవాలి. పవన్ కళ్యాణ్ సినిమా మార్నింగ్ షో కలెక్షనంత లేదు మీ సినిమా బడ్జెట్ మొత్తం. ఎవరి గురించైనా మాట్లాడేటప్పుడు ఒళ్లు దగ్గర పెట్టుకుని మాట్లాడాలి. మీకు పొలిటికల్ అజెండా ఉంటే మీరు చూసుకోండి. పవన్ సినీ నటుడు, ఆయన రాజకీయ అజెండా మాకు వద్దు. ఏపి రాజకీయాలు నాకు తెలియదు.

మా ఎన్నికల్లో సీఎంలను లాగొద్దు

ఇండస్ట్రీ పరంగా పవన్ రెండు మూడు ప్రశ్నలు అడిగారు, అవి ఏ స్వరంతో అడిగారన్న దానిపై మనం చర్చించుకుందాం. మీరు పవన్ కళ్యాణ్ పక్కన ఉన్నారా? ఇండస్ట్రీ పక్కన ఉన్నారా? అంటూ నన్నెందుకు లాగుతున్నారు, ఆయనకు నాకు సిద్ధాంత పరంగా విబేధాలు ఉన్నాయి. ఈ విషయాన్ని పవన్ స్వయంగా చెప్పారు. అయితే సిినిమా విషయానికి వస్తే నేను నంద.. ఆయన బద్రి.. అయిపోయిందంతే. మా ఎన్నికల్లో జగన్ ను లాగొద్దు. ఆయన పాదయాత్ర చేసి ప్రజల మనసు గెలుచుకుని సీఎం అయ్యారు. మా అసోసియేషన్ గురించి ఆలోచించేంత సమయం ఆయనకు ఉండదు. కేసిఆర్ ఉద్యమం చేసి సీఎం అయ్యారు, ఆయనకు చాలా పనులున్నాయి. ఇందులో వాళ్ల పేర్లు ఎందుకు లాగుతున్నారు” అంటూ ప్రకాశ్ రాజ్ తీవ్రంగా స్పందించారు.


Share

Related posts

శంకర్ డైరెక్షన్‌లో హృతిక్ రోషన్?

Siva Prasad

అంతరిక్షంలోకి సమోసా ను పంపిన భారతీయ రెస్టారెంటర్.. ఎక్కడ ల్యాండ్ అయిందో తెలుసుకోండిలా..

bharani jella

Ramya Pandian Beautiful Photos

Gallery Desk