MAA Polls: ‘మా’ ఎన్నికల్లో పోటీ చేస్తున్న మంచు విష్ణు మనోగతం ఇది..!!

MAA Polls: మూవీ ఆర్టిస్ట్ అసోసియేషన్ (మా) అధ్యక్ష పదవికి పోటీ చేస్తున్నట్లు ప్రముఖ సినీనటుడు, మోహన్ బాబు తనయుడు మంచు విష్ణు వెల్లడించారు. ఈ మేరకు నేడు ట్విట్టర్ వేదికగా ఓ లేఖ విడుదల చేశారు. మా అధ్యక్ష పదవికి తాను నామినేషన్ వేయనున్నానని ప్రకటించిన మంచు విష్ణు..పరిశ్రమ ఎదుర్కొంటున్న కష్టనష్టాలు, సమస్యలు తనకు బాగా తెలుసునని అన్నారు. తెలుగు సినీ పరిశ్రమకు తాను ఎప్పటికీ రుణ పడి ఉంటానని అన్నారు.

“ఈ ఏడాది జరగనున్న మా అధ్యక్ష పదవికి నేను నామినేషన్ వేస్తున్నాను. సినిమా పరిశ్రమనే నమ్ముకున్న కుటుంబంలో పుట్టిన నేను తెలుగు సినిమాతోనే పెరిగాను. మన పరిశ్రమ ఎదుర్కొంటున్న సమస్యలు, కష్టనష్టాలు ప్రత్యక్షంగా చూస్తూ పెరిగిన నాకు మా కుటుంబ సభ్యుల భావాలు, బాధలు తెలుసు. నాకు, నా కుటుంబానికి ఎంతో పేరు ప్రతిష్ఠలు అందించిన తెలుగు సినీ పరిశ్రమకు ఎప్పటికీ రుణ పడి ఉంటాను, ఆ రుణం తీర్చుకోవడానికి ఈ పరిశ్రమకు సేవ చేయడం నా కర్తవ్యంగా భావిస్తున్నాను” అని మంచు విష్ణు పేర్కొన్నారు.

Read more: AP CS Adityanath Das: మూడు నెలల ఎక్స్‌టెన్షన్ వచ్చిన వెంటనే ఏపి సీఎస్ ఆదిత్యనాథ్ దాస్ ఏమి చేశారంటే..!?

“మా భవనం నిర్మాణానికి అవసరమయ్యే ఖర్చులో తమ కుటుంబం 25 శాతం భరిస్తుందని విష్ణు తెలిపారు. నా తండ్రి మోహన్ బాబు మా అసోసియేషన్ కు అధ్యక్షుడుగా చేసిన సేవలు, వారి అనుభవాలు, నాయకత్వ లక్షణాలు ఇప్పుడు నాకు మార్గదర్శకాలు అయ్యాయి. గతంలో మా అసోసియేషన్ కు ఎగ్జిక్యూటివ్ వైస్ ప్రెసిడెంట్ గా పని చేసినప్పుడు మా బిల్డింగ్ ఫండ్ కు నా కుటుంబం తరపున నిర్మాణానికి అయ్యే ఖర్చులో 25 శాతం అందిస్తామని మాట ఇచ్చాను. భవన నిర్మాణ నిర్మాణం ఇంకా ప్రారంభం కాలేదు. ఎగ్జిక్యూటివ్ వైస్ ప్రెసిడెంట్ గా నేను కొన్ని సలహాలు, సూచనలు చేశాను. అవి మా కుటుంబ సభ్యుల సహకారంతో దిగ్విజయంగా అమలు చేశాను. మా వ్యావహారాలు అన్ని అతి దగ్గరగా పరిశీలించిన నాకు మా కటుంబ సభ్యులకు ఏది అవసరమో స్పష్టమైన అవగాహన, అనుభవం ఉంది. మన ఇంటిని మనమే చక్కదిద్దుకుందాం. కష్టాల్లో ఉన్న కళాకారులకు ఎప్పుడూ అండగా ఉంటాం. అందుబాటులో ఉంటాం, మా అసోసియేషన్ అధ్యక్షుడుగా నా సేవలు సంపూర్ణంగా అందించాలనుకుంటున్నాను. పెద్దల అనుభవాలు, యువరక్తంతో నిండిన కొత్త  ఆలోచనలు కలగలిపి నడవాలన్నదే నా ప్రయత్నం. మీ అందరి సహకారంతో విజయవంతం కావాలని ఆశిస్తున్నా” అంటూ లేఖ రాశారు మంచు విష్ణు.

నా MAA కుటుంబానికి ?.To my MAA family ? pic.twitter.com/1TDa3f8lYA

— Vishnu Manchu (@iVishnuManchu) June 27, 2021

sharma somaraju Content Editor

See Full Bio