AP Job Calendar: ఏపిలో నిరుద్యోగులకు జగన్ ప్రభుత్వం శుభ వార్త అందించింది. రాష్ట్రంలో కొత్తగా 1180 ఉద్యోగ ఖాళీల భర్తీకి నోటిపికేషన్ విడుదల అయ్యింది. ఈ పోస్టుల భర్తీ చేసేందుకు ఏపి పబ్లిక్ సర్వీస్ కమిషన్ (ఏపిపిఎస్సీ) కు అనుమతి ఇస్తూ ఆర్థిక శాఖ ఉత్తర్వులు జారీ చేసింది.
ఈ తాజా ఉద్యోగాలను వార్షిక జాబ్ క్యాలండర్ లో చేర్చాలని ఆదేశించింది ఏపి ఆర్థిక శాఖ, ఈ పోస్టులన్నింటికీ అగ్రవర్ణాల పేదలకు ఇచ్చే రిజర్వేషన్ ఈబీసీ వర్తింప చేయాలని ఆదేశాలు జారీ చేసింది. రెవెన్యూ విభాగంలో జూనియర్ అసిస్టెంట్లు సహా వేర్వేరు విభాగాల్లో 1180 ఉద్యోగాలకు నోటిఫికేషన్ జారీకి ఏపిపీఎస్సీకి అనుమతి ఇచ్చింది.
గత నెలలో రాష్ట్ర ప్రభుత్వం జాబ్ క్యాలెండర్ ను విడుదల చేసిన విషయం తెలిసిందే. వివిధ శాఖల్లో ఖాళీల భర్తీ చేయనున్నట్లు తెలిపింది. అయితే రాష్ట్రంలోని వివిధ శాఖల్లో లక్షల సంఖ్యలో ఉద్యోగ ఖాళీలు ఉండగా వేల సంఖ్యలో మాత్రమే భర్తీకి ప్రభుత్వం క్యాలెండర్ విడుదల చేసిందని ప్రతిపక్షాలు విమర్శలు చేస్తున్నాయి. ఈ నేపథ్యంలో రాష్ట్ర ప్రభుత్వం 1180 పోస్టుల భర్తీకి నోటిఫికేషన్ విడుదల చేసింది.