AP High Court: ఏపిలో హైకోర్టుకు కొత్తగా నియమితులైన ఏడుగురు న్యాయమూర్తులచే హైకోర్టు ప్రధాన న్యాయమూర్తి జస్టిస్ ప్రశాంత్ కుమార్ మిశ్రా నేడు ప్రమాణ స్వీకారం చేయించారు. ఏపి హైకోర్టుకు న్యాయమూర్తులుగా కొనకంటి శ్రీనివాసరెడ్డి, గన్నమనేని రామకృష్ణప్రసాద్, నిమ్మగడ్డ వెంకటేశ్వర్లు, తర్లాడ రాజశేఖరరావు, సత్తి సుబ్బారెడ్డి, చీమలపాటి రవి, వడ్డిబోయిన సుజాతల పేర్లను సుప్రీం కోర్టు కోలీజియం చేసిన తీర్మానానికి ఇటీవల రాష్ట్రపతి రామ్ నాథ్ కోవింద్ ఆమోదముద్ర వేశారు. అనంతరం కేంద్ర న్యాయశాఖ న్యాయమూర్తులకు నియామకానికి సంబంధించి నోటిఫికేషన్ జారీ చేసింది. ఈ నేపథ్యంలో హైకోర్టులోని మొదటి కోర్టు హాలులో జరిగిన కార్యక్రమంలో ఏడుగురు న్యాయమూర్తులతో ప్రధాన న్యాయమూర్తి ప్రశాంత్ కుమార్ మిశ్రా ప్రమాణ స్వీకారం చేయించారు.
Read More: YS Jagan: ఇస్రో శాస్త్రవేత్తలను అభినందించిన ఏపి సీఎం వైఎస్ జగన్..
AP High Court: హైకోర్టులో 27కి పెరిగిన న్యాయమూర్తుల సంఖ్య
కొత్త న్యాయమూర్తుల ప్రమాణ స్వీకారంతో ఏపి హైకోర్టులో జడ్జిల సంఖ్య 27కి చేరింది. మరో పది పోస్టులు ఖాళీగా ఉండగా కొన్నింటి భర్తీ చేసేందుకు హైకోర్టు త్వరలో చర్యలు చేపట్టనుంది. న్యాయవాదుల కోటా నుండి కొందరి పేర్లను కొలీజియం సిఫార్సు చేయనుంది. ఈ ఏడాది ఫిబ్రవరి 11న జస్టిస్ మఠం వెంకట రమణ రిటైర్ కాగా, జూన్ 13న జస్టిస్ మల్లవోలు సత్యనారాయణమూర్తి, సెప్టెంబర్ 19న జస్టిస్ విజయలక్ష్మి పదవీ విరమణ చేయనున్నారు. ఈ ఏడాది ఆగస్టు లోపు అటు న్యాయవాదుల కోటా, ఇటు న్యాయాధికారుల కోటా నుండి అన్ని ఖాళీలు భర్తీ అయ్యే అవకాశం ఉంది.
