Pawan Kalyan: అన్న చిరంజీవి పార్టీ ఎంట్రీ పై కీలక కామెంట్లు చేసిన పవన్..!!
Pawan Kalyan: జనసేన పార్టీలో కీలక నేతగా ఉండే నాదెండ్ల మనోహర్ ఇటీవల చిరంజీవి జనసేన పార్టీలో జాయిన్ అవుతున్నట్లు చెప్పటం అందరికీ తెలిసిందే. తమ్ముడి కోసం పార్టీలోకి వస్తున్నట్లు, అన్నదమ్ములు కలిసి రాజకీయాలు చేయబోతున్నట్లు నాదెండ్ల భారీ స్థాయిలో డైలాగులు వేశారు. ఇదిలావుంటే ఇటీవల కాపు సామాజిక వర్గానికి చెందిన నేతలతో పవన్ కళ్యాణ్ భేటీ అయిన క్రమంలో పార్టీలోకి చిరంజీవి ఎంట్రీ పై కీలక కామెంట్లు చేశారు.
చిరంజీవి నైతిక మద్దతు నాకు ఎప్పుడూ ఉంటుంది అంటూ పవన్ పేర్కొన్నారు. తమ్ముడిగా నా విజయాన్ని కోరుకునే వ్యక్తి చిరంజీవి అని తెలిపారు. పార్టీ లోకి వస్తారా లేదా అనేది ఇప్పుడు ఏం చెప్పలేను అని స్పష్టం చేశారు. ఇదే క్రమంలో కాపులను పాలకులు ఎప్పుడూ విభజించి పాలించినట్లు స్పష్టం చేశారు. రాజకీయాలను శాసించే స్థాయిలో ఉండాల్సిన వారు యాచించే స్థాయిలో ఉన్నారు అని తెలిపారు. అంతేకాకుండా కాపుల న్యాయపరమైన సమస్యలపై సీఎం దృష్టికి తీసుకెళ్తానని తనతో భేటీ అయినా కాపు పెద్దలకి పవన్ హామీ ఇచ్చారు. దీంతో పవన్ కళ్యాణ్ చేసిన వ్యాఖ్యలు ఏపీ రాజకీయాల్లో పెద్ద హాట్ టాపిక్ అయ్యాయి. ఒకపక్క నాదెండ్ల మనోహర్ చిరంజీవి పార్టీ లోకి వచ్చి చేస్తున్నట్లు కామెంట్లు చేయడం మరో పక్క పవన్ కళ్యాణ్ పార్టీలోకి రావటం అనేది ఆయన ఇష్టం ఉన్నట్లు కామెంట్లు చేయడం సంచలనంగా మారింది. ఏది ఏమైనా చిరంజీవి సపోర్ట్ మాత్రం తనకి ఉంటుందని పవన్ కళ్యాణ్ తాజాగా కాపు నేతలతో సమావేశం అయినా క్రమంలో స్పష్టం చేశారు.