Power Shock: సాధారణంగా ఎవరికైనా కరెంట్ సరఫరా అయ్యే తీగను లేదా వైరును పట్టుకుంటే షాక్ కొడుతుంది. ఇది అందరికీ తెలిసిన విషయం. కానీ ఇప్పుడు విద్యుత్ శాఖ అధికారుల లీలల కారణంగా విద్యుత్ బిల్లును పట్టుకున్నా షాక్ కొట్టి గిలగిలా కొట్టుకుని కింద పడే పరిస్థితులు ఏర్పడుతున్నాయి. గుండె జబ్బులు ఉన్న వాళ్లకు ఈ కరెంటు బిల్లు ఇస్తే గుండె ఆగిపోవడం ఖాయం. అసలే ఈ నెల నుండి ట్రూ అప్ చార్జీల పేరుతో విద్యుత్ బిల్లుల బాదుడు స్టార్ట్ అవుతోందని విద్యుత్ వినియోగదారులు ఓ పక్క ఆందోళన చెందుతుండగా, మరో పక్క తప్పుడు మీటర్లు (సాంకేతికలోపం)తో వేలు, లక్షల్లో బిల్లులు రావడం మరింత ఆందోళన కల్గిస్తోంది. ఓ సాధారణ కాకా హోటల్ యజమానికి వేలు కాదు, లక్షలు కాదు కోట్ల రూపాయల మేర కరెంట్ బిల్లు రావడంతో అతను బెంబేలెత్తిపోయాడు.
వివరాల్లోకి వెళితే..పశ్చిమ గోదావరి జిల్లా చింతలపూడి కొత్త బస్టాండ్ ఎదురుగా ఉన్న ఓ చిన్న హోటల్ కు ఈ నెలలో రూ.21,48,62,224ల విద్యుత్ బిల్లు వచ్చింది. ఈ బిల్లు చూసి హోటల్ నిర్వహకుడు ఒక్కసారిగా నిర్ఘాంతపోయాడు. చిన్న హోటల్ కు అంతా బిల్లా అంటూ చూసిన వారు అవాక్కయ్యారు. గత నెలలోనూ ఈ హోటల్ కు రూ.47,148ల కరెంటు బిల్లు వచ్చింది. దీంతో ఒక్కసారిగా ఆందోళనకు గురైన సదరు హోటల్ నిర్వహకుడు కరెంటు ఆఫీసుకు పరుగులు పెట్టాడు. ప్రతి నెలా తన హోటల్ కు రూ.600 నుండి రూ.700లు మాత్రమే బిల్లు వస్తుందని, ఒకే సారి ఇంత మొత్తంలో బిల్లు వస్తే తాను ఏలా కట్టగలనంటూ అధికారులకు విన్నవించగా, అధికారులు పరిశీలన చేసి కరెంటు మీటరులో సాంకేతిక లోపం ఉన్నట్లు గుర్తించి కొత్త మీటరు బిగించారు.
కొత్త మీటరు బిగించిన తరువాత కూడా గతంలో వేలల్లో వచ్చిన బిల్లు ఇప్పుడు 21 కోట్లకు పైగా రావడంతో హోటల్ యజమాని తీవ్ర ఆందోళనకు గురైయ్యాడు. ఇలా ప్రతి నెలా లక్షలు, కోట్ల రూపాయల మేర కరెంటు బిల్లు రావడం ఆందోళనకు గురి చేస్తున్నదని హోటల్ యజమానికి వాపోతున్నాడు. అధికారులు స్పందించి తనకు న్యాయం చేయాలని కోరుతున్నాడు. ఈ బిల్లు విషయంపై చింతలపూడి మండల విద్యుత్ శాఖ ఏఇ శంకర్ దృష్టికి మీడియా తీసుకువెళ్లగా సాంకేతిక లోపం కారణంగా అంత బిల్లు వచ్చిందనీ, దానిని సరి చేస్తామని తెలియజేశారు.
Read More:
1.YS Sharmila: ఎంఆర్‌పీఎస్ నేత మంద కృష్ణమాదిగతో వైఎస్ షర్మిల భేటీ..! రెండు కారణాలు..!!
2.Vinayaka Chaviti Celebrations: గణేష్ ఉత్సవాలకు హైకోర్టు గ్రీన్ సిగ్నల్..! కండిషన్స్ అప్లై..!!
3.AP Govt: జీవోల బహిర్గతంపై నిర్ణయాన్ని మార్చుకున్న ఏపి సర్కార్..! ఆ సైట్ లో చూడవచ్చు..!!
