AP CM YS Jagan: దీపావళి పండుగ దేశ వ్యాప్తంగా నవంబర్ 4వ తేదీన ఘనంగా జరుపుకుంటుంటారు. అయితే ఏపిలో రైతులకు ముందే దీపావళి పండుగ వచ్చింది. వైఎస్ఆర్ రైతు భరోసా, వైఎస్ఆర్ సున్నా వడ్డీ, వైఎస్ఆర్ యంత్ర సేవా పథకం..ఈ మూడు పథకాలకు సంబంధించి రూ.2,190 కోట్లను లబ్దిదారుల ఖాతాలోకి సీఎం వైఎస్ జగన్ నేడు విడుదల చేశారు. వైఎస్ఆర్ రైతు భరోసా – పిఎం కిసాన్ పథకం కింద ఏపిలో 50 లక్షల మంది రైతులకు లబ్దిచేకూరనుంది. సీఎం జగన్ తాడేపల్లిలోని తన క్యాంపు కార్యాలయంలో కంప్యూటర్ బటన్ నొక్కి నేరుగా రైతులు, రైతు గ్రూపుల ఖాతాలో నిధులను జమ చేశారు.
Read More: Mandali Buddha Prasad: టీటీడీకి మాజీ డిప్యూటి స్పీకర్ మండలి బుద్దప్రసాద్ కీలక సూచన..!!
AP CM YS Jagan: ఇది రైతుల పక్షపాతి ప్రభుత్వం
ఈ సందర్భంగా సీఎం జగన్ మాట్లాడుతూ..రైతు కళ్లల్లో దీపావళి వెలుగులు చూడాలని పండుగకు ముందే రైతుల ఖాతాలో నిధులు జమ చేస్తున్నామన్నారు. తమ ప్రభుత్వం రైతు పక్షపాతి ప్రభుత్వమనీ, రైతులకు ఎప్పుడూ అండగా ఉంటుందని హామీ ఇచ్చారు. మేనిఫెస్టోలో ఇచ్చిన హామీలను వందశాతం అమలు చేస్తున్నామని చెప్పారు. మూడో సంవత్సరం రెండో విడత నిధులు విడుదల చేస్తున్నామన్నారు. రైతు భరోసా కింద ఇప్పటి వరకూ రూ.18,777 కోట్లు విడుదల చేశామని సీఎం జగన్ పేర్కొన్నారు. గత ప్రభుత్వం ఎగ్గొట్టిన రాయితీ బకాయిలు ర.1,180 కోట్లు ఈ ప్రభుత్వం చెల్లించడం జరిగిందన్నారు. కరువు సీమలోనూ నేడు పుష్కలంగా సాగునీరు అందుతొందని చెప్పారు. కరోనా సవాల్ విసిరినా కూడా ప్రభుత్వం వెనక్కి తగ్గలేదన్నారు. యంత్ర సేవా కేంద్రాలు ఏర్పాటు చేస్తున్నామని అన్నారు. 29 నెలల పాలనలో అనేక మార్పులు తీసుకువచ్చామని పేర్కొన్నారు. వ్యవసాయ సలహా మండళ్లు ఏర్పాటు చేయడం జరిగిందనీ, ఈ క్రాపింగ్ నమోదు ద్వారా వ్యవసాయ పథకాలు అమలు చేస్తున్నామని సీఎం జగన్ అన్నారు.
6.67 లక్షల మందికి సున్నా వడ్డీ రాయితీ
ఖరీఫ్ – 2020 సీజన్ కు సంబంధించి 6.67 లక్షల మంది రైతులకు రూ.112.20కోట్లు సున్నా వడ్డీ రాయితీ సొమ్మును జమ చేశారు. వైఎస్ఆర్ యంత్ర పరికరాల పథకం కింద రూ. 2,134 కోట్ల విలువైన వ్యవసాయ యంత్రాలను 11,785 రైతు గ్రూపుల ద్వారా గ్రామస్థాయిలో రైతులకు అందుబాటులోకి తీసుకురాగా ప్రభుత్వం వాటికి సంబంధించి సబ్సిడీ సొమ్ము రూ.25.55 కోట్లను నేడు రైతు గ్రూపులకు జమ చేసింది.
