YS Viveka Case: మాజీ మంత్రి వైఎస్ వివేకా హత్య కేసులో ఆరోపణలు ఎదుర్కొంటున్న కడప ఎంపీ వైఎస్ అవినాష్ రెడ్డికి మరో సారి సారి సుప్రీం కోర్టులో ఎదురుదెబ్బ తగిలింది. అవినాష్ రెడ్డి దాఖలు చేసిన ముందస్తు బెయిల్ పిటిషన్ పై జస్టిస్ మహేశ్వరి, జస్టిస్ నరసింహా లతో కూడిన ధర్మాసనం ఇవేళ విచారణ చేపట్టింది. హైకోర్టు వెకేషన్ బెంచ్ చన పిటిషన్ ను విచారించేలా ఆదేశించాలని అవినాష్ తరపు న్యాయవాది పిటిషన్ లో కోరారు. పూర్తి స్థాయి విచారించి తుది ఉత్తర్వులు ఇచ్చేలా ఆదేశించాలని విన్నవించారు.
తల్లి అనారోగ్యం వల్ల వారం రోజుల పాటు సీబీఐ విచారణకు రాలేనన్న అవినాష్ రెడ్డి.. హజరపై మినహాయింపు ఇవ్వాలని కోరారు. హైకోర్టు తుది ఉత్తర్వులు ఇచ్చే వరకూ సీబీఐ అవినాష్ రెడ్డిని అరెస్టు చేయవద్దని సీబీఐని ఆదేశించాలని ఆయన తరపు న్యాయవాదులు కోరారు. అవినాష్ రెడ్డి ముందస్తు బెయిల్ పై జోక్యానికి నిరాకరించిన సుప్రీం కోర్టు .. ముందస్తు బెయిల్ కోసం హైకోర్టులో ధరఖాస్తు చేసుకోవచ్చని చెప్పింది. అయితే అవినాష్ ముందస్తు బెయిల్ పై 25న హైకోర్టు వెకేషన్ బెంచ్ విచారణ జరపాలని ఆదేశించింది.
అరెస్టు చేయకుండా సీబీఐకి ఆదేశాలు ఇవ్వడానికి సుప్రీం కోర్టు నిరాకరించింది. దీంతో అవినాష్ రెడ్డిని అరెస్టు చేయడానికి సీబీఐకి అడ్డంకి తొలగినట్లు అయ్యింది. మూడు సార్లుగా విచారణకు వివిధ కారణాలతో గైర్హజరు అవుతున్న నేపథ్యంలో అవినాష్ రెడ్డిని అరెస్టు చేయడానికి సీబీఐ అధికారులు ప్రయత్నిస్తున్నారని వార్తలు వినబడుతున్నాయి. సుప్రీం కోర్టు నుండి ఎటువంటి రక్షణ ఉత్తర్వులు రాని నేపథ్యంలో సీబీఐ అరెస్టు చేయడానికి చర్యలు చేపడుతుందా.. లేక ఈ నెల 25వ తేదీ హైకోర్టు వెకేషన్ బెంచ్ ఇచ్చే ఉత్తర్వుల వరకూ ఆగుతుందా అనేది ఆసక్తికరంగా మారింది.
Suicide: రైల్వే ట్రాక్ పై తలపెట్టి జంట ఆత్మహత్య
