TDP Ex MLA Dhulipalla Narendra: టీడీపీ మాజీ ఎమ్మెల్యే ధూళిపాళ్ల నరేంద్రకు శేకూరు గ్రామస్తుల షాక్

TDP Ex MLA Dhulipalla Narendra: గుంటూరు జిల్లా పొన్నూరు మాజీ ఎమ్మెల్యే, సంగం డెయిరీ చైర్మన్,  టీడీపీ నేత ధూళిపాళ్ల నరేంద్రకు చేబ్రోలు మండలం శేకూరు గ్రామ ప్రజలు షాక్ ఇచ్చారు. ఈ గ్రామంలో జగనన్న ఇళ్ల నిర్మాణాలు, రోడ్ల అభివృద్ధికి శేకూరు వేణుగోపాలస్వామి దేవస్థానం ఎదురుగా ఉన్న చెరువు పూడిక తీత మట్టిని గ్రామస్తులు తరలించుకుంటున్నారు. గ్రామ పంచాయతీ తీర్మానంతో గ్రామ ప్రజలు చెరువు నుండి మట్టితోలకాలను జరుపుకుంటున్నారు. ఈ నేపథ్యంలో ధూళిపాళ్ల నరేంద్ర  టీడీపీ నాయకులతో చెరువులో జరుగుతున్న తవ్వకాలను పరిశీలించడానికి వెళ్లగా.. గ్రామస్తులు ఆయనపై ఆగ్రహం వ్యక్తం చేస్తూ అడ్డుకున్నారు.

• Read the latest news from NEWSORBIT
• Follow us on facebook , Twitter , instagram and Googlenews

TDP Ex MLA Dhulipalla Narendra: దూళిపాళ్ల ను చుట్టుముట్టి ..

టీడీపీ అధికారంలో ఉన్నప్పుడు తమ గ్రామంలోని మట్టిని అంతా రైల్వేకు ఇతర అవసరాలకు దూళిపాళ ఆధ్వర్యంలో అమ్ముకున్నారని ఆరోపిస్తూ ఆయనను గ్రామస్తులు చుట్టుముట్టి దుర్భాషలాడారు. తాము గ్రామ పంచాయతీ తీర్మానంతో ఇళ్ల నిర్మాణాలకు, రోడ్లకు చెరువు పూడిక తీత మట్టిని తరలించుకుంటుంటే ఎందుకు అభ్యంతరం వ్యక్తం చేస్తున్నారంటూ ధూళిపాళ్ల ను నిలదీశారు. దాదాపు గంట పాటు ఆయనను కదలనివ్వకుండా గ్రామస్తులు చుట్టుముట్టారు. గ్రామస్తుల ప్రతిఘటన నుండి ఆయన బయట పడే ప్రయత్నం చేసినా కుదరలేదు. ఈ నేపథ్యంలో పోలీసులు రంగ ప్రవేశం చేసి ఆయన ను గ్రామం నుండి సురక్షితంగా పంపించారు. ఆ తరువాత గ్రామస్తులు చేబ్రోలు పోలీస్ స్టేషన్ కు వెళ్లి ధూళిపాళ్ల నరేంద్ర, టీడీపీ నాయకులపై ఫిర్యాదు చేశారు.