Somu Veerraju: బీజేపీ రాష్ట్ర అధ్యక్షుడు సోము వీర్రాజు నిన్న అమలాపురం వెళుతుండగా జొన్నాడ వద్ద పోలీసులు అడ్డుకున్న సంగతి తెలిసిందే. ఓ ప్రైవేటు వాహనాన్ని సోము వీర్రాజు వాహానానికి అడ్డుగా పెట్టి ముందు వెళ్లకుండా నిలులవరించడంతో ఆయన తీవ్ర అసహానికి గురై పోలీసులపై చింతులు వేశారు. ఈ వీడియో సోషల్ మీడియాలో వైరల్ అయ్యింది. ఆయనపై పోలీసులు కేసు నమోదు చేశారు. ఈ నేపథ్యంలో సోము వీర్రాజు ట్విట్టర్ వేదికగా స్పందిస్తూ సీఎం జగన్ పై ఆగ్రహం వ్యక్తం చేశారు. గతంలో విశాఖ స్వరూపానందేంద్ర స్వామి మఠం వద్ద పోలీసు అధికారిపై మంత్రి సిదిరి అప్పలరావు దుర్భాషలాడిన వీడియోను పోస్టు చేస్తూ.. దీనిని ఏమనాలి అంటూ సీఎం వైఎస్ జగన్ ను ప్రశ్నించారు సోము వీర్రాజు. మీ మంత్రులు, ఎమ్మెల్యేలు అహంకారంతో ప్రవర్తించినా రాష్ట్ర ప్రజలు, పోలీసులు వాటిని ప్రశంసలుగా స్వీకరించాలా అని ప్రశ్నించారు. ఒక ప్రైవేటు లారీని మా వాహనానికి ఎదురుగా ఉంచితే ప్రతిఘటించక గంటల పాటు తాము చేతులు కట్టుకుని నిలబడలా అంటూ వీర్రాజు ఆగ్రహం వ్యక్తం చేశారు.
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
ఇటీవల కోనసీమ జిల్లా పేరు మార్పు ప్రతిపాదన నేపథ్యంలో అమలాపురంలో పెద్ద ఎత్తున నిరసనలు వ్యక్తం అయ్యాయి. ఆ నేపథ్యంలోనే విధ్వంసకర పరిణామాలు చోటుచేసుకున్నాయి. మంత్రి విశ్వరూప్, ఎమ్మెల్యే సతీష్ ఇళ్లకు ఆందోళనకారులు నిప్పు పెట్టారు. ఈ అల్లర్ల కేసులో ఇప్పటికే పోలీసులు వివిధ పార్టీలకు చెందిన వంద మందికిపైగా అరెస్టు చేశారు. పోలీసులు అరెస్టు చేసిన వారిలో బీజేపీ, జనసేన, టీడీపీ, వైసీపీలకు చెందిన వారు ఉన్నారు. అమలాపురం తదితర ప్రాంతాల్లో ఇప్పటికీ సెక్షన్ 144, 30 పోలీస్ యాక్ట్ అమలు అవుతున్నారు. అయితే అమలాపురంలో బాధితులను పరామర్శించేందుకు సోము వీర్రాజు వెళుతున్న సమయంలో అనుమతి లేదంటూ పోలీసులు ఆయనను అడ్డుకున్నారు. ఆ తరువాత జిల్లా ఎస్పీ తో మాట్లాడిన తరువాత రావులపాలెం వెళ్లడానికి అనుమతి ఇచ్చారు. కాగా మరో పక్క సోము వీర్రాజు పై పెట్టిన కేసును ఎత్తివేయాలని బీజేపీ నేతలు డిమాండ్ చేస్తున్నారు.
దీనిని ఏమనాలి ముఖ్యమంత్రి @ysjagan గారు?మీ మంత్రులు,ఎమ్మెల్యేలు అహంకారంతో ప్రవర్తించినా రాష్ట్ర ప్రజలు, @APPOLICE100 వాటిని ప్రశంసలుగా స్వీకరించాలి. ఒక ప్రైవేటు లారీని మా వాహనానికి ఎదురుగా ఉంచితే ప్రతిగటించక గంటలపాటు మేము చేతులు కట్టుకుని నిలబడాలా?@blsanthosh @JPNadda @AmitShah pic.twitter.com/qAiAiQcqkB
— Somu Veerraju / సోము వీర్రాజు (@somuveerraju) June 9, 2022