Chandra Babu: వివేకా హత్యకు డీల్ రూ. 40కోట్లు..? ఈడీని రంగంలో దించేందుకు చంద్రబాబు స్కెచ్..!!

Share

Chandra Babu: తెలుగు రాష్ట్రాల్లో తీవ్ర సంచలనం సృష్టించిన ఏపి సీఎం వైఎస్ జగన్ చిన్నాన్న, మాజీ మంత్రి వైఎస్ వివేకానంద రెడ్డి హత్య కేసు దర్యాప్తు కీలకదశకు చేరుకున్న సంగతి తెలిసిందే. ఇప్పటికే ఈ కేసులో హత్యలో ప్రత్యక్షంగా పాల్గొన్నట్లు భావిస్తున్న నలుగురు వ్యక్తులతో పాటు సూత్రధారులలో ఒకడిగా భావిస్తున్న మరొకరిని సీబీఐ అరెస్టు చేసింది. ఈ కేసులో నాల్గవ నిందితుడు (ఏ 4) గా ఉన్న వివేకా మాజీ డ్రైవర్ దస్తగిరి అప్రూవర్ గా మారారు. దీంతో కడప సబ్ కోర్టు ఆయనను ప్రత్యక్ష సాక్షిగా గుర్తిస్తూ పులివెందుల కోర్టులో వాగ్మూలం నమోదు చేయాలని ఆదేశించింది. అయితే తొలుత దస్తగిరి ఇచ్చిన కన్పెషన్ స్టేట్ మెంట్ లో ఇది రూ.40 కోట్ల సుపారీ హత్యగా పేర్కొన్నారు. ఇదిలా ఉండగా వివేకా హత్య జరిగిన సమయంలో ఆనాడు వైసీపీ ఇది చంద్రబాబే చేయించారని, ఈ హత్య వెనుక టీడీపీ ఉందని ప్రచారం చేసింది.

tdp chief Chandra Babu key demand on viveka murder case
tdp chief Chandra Babu key demand on viveka murder case

 

Chandra Babu: వివేకా హత్య కేసు వ్యవహారాన్ని పార్లమెంట్ లో ప్రస్తావించాలి

ఇప్పుడు సీబీఐ దర్యాప్తులో వైఎస్ కుటుంబ సభ్యుల పాత్రపై అనుమానాలు వ్యక్తం అవుతుండటం, ఎంపీ అవినాష్ రెడ్డి అత్యంత సన్నిహితుడు శివశంకర్ రెడ్డిని సీబీఐ అరెస్టు చేసి విచారణ జరుపుతున్న నేపథ్యంలో టీడీపీ అధినేత చంద్రబాబు వ్యూహత్మకంగా పావులు కదుపుతున్నారు. తమ పార్టీ పార్లమెంట్ సభ్యుల ద్వారా వివేకా హత్య కేసు వ్యవహారాన్ని పార్లమెంట్ లో ప్రస్తావించాలని భావిస్తున్నారు. వివేకా హత్యకు రూ.40 కోట్లు సుపారీ విషయాన్ని పార్లమెంట్ ఉభయ సభల్లో ప్రస్తావించాలని టీడీపీ పార్లమెంట్ సభ్యులకు చంద్రబాబు సూచించారు. ఈ నెల 29వ తేదీ నుండి డిసెంబర్ 23 వరకూ పార్లమెంట్ శీతాకాల సమావేశాలు జరగనున్న నేపథ్యంలో ఉభయ సభల్లో టీడీపీ సభ్యులు అనుసరించాల్సిన వ్యూహంపై చంద్రబాబు దిశానిర్దేశం చేశారు.

 

టీడీపీకి చెందిన నలుగురు ఎంపీలతో ఆయన వర్చువల్ మీటింగ్ నిర్వహించి పలు సూచనలు చేశారు. వైఎస్ వివేకా హత్యకు రూ.40 కోట్ల సుపారి ఇచ్చారనీ, అడ్వాన్స్ గా కోటి రూపాయలు చెల్లించినట్లు దస్తగిరి చెప్పిన వ్యాంగ్మూలాన్ని పరిగణలోకి తీసుకుని ఎన్ ఫోర్స్ మెంట్ (ఈడీ) రంగంలోకి దిగేలా డిమాండ్ చేయాలని చంద్రబాబు ఎంపీలకు సూచించారు. ఈ హత్యలో పెద్ద ఎత్తున ఆర్ధికపరమైన లావాదేవీ ఉండటంతో ఈడీ కూడా రంగ ప్రవేశం చేసే అవకాశం ఉంది.


Share

Related posts

Lock Down: తెలంగాణ‌లో మ‌ళ్లీ లాక్ డౌన్‌… ఎక్క‌డ‌, ఎప్ప‌టి నుంచో తెలుసా?

sridhar

సర్కారు వారి పాట లో హాలీవుడ్ రేంజ్ విలన్.. దీంతో అసలు విషయం బయట పడింది ..?

GRK

ఇది ఎప్పటికీ జగన్ మీద చెరిగిపోని ‘బ్యాడ్ రిమార్క్ ‘గా మిగిలిపోనున్నదా?

Yandamuri