Breaking: పెన్నానదిలో అక్రమ రవాణా తరలింపును నిరసిస్తూ టీడీపీ నేత, తాడిపత్రి మున్సిపల్ చైర్మన్ జేసీ ప్రభాకరరెడ్డి ఆందోళన చేయడానికి సిద్దమయ్యారు. ఈ క్రమంలో పెద్దపప్పూరు మండలం పెన్నానదిలో ఇసుక తరలింపు పరిశీలనకు వెళ్లాలని నిర్ణయించారు. దీంతో ప్రభాకరరెడ్డి ఇంటి నుండి బయటకు రాకుండా పోలీసులు హౌస్ అరెస్టు చేశారు. జేసీ నివాసం వద్దకు పోలీసులు మీడియా ను సైతం అనుమతించలేదు. జేసీ ప్రభాకరరెడ్డి నివాసం వద్ద భారీగా పోలీసులు మోహరించారు.
బారికేడ్లు ఏర్పాటు చేసి టీడీపీ నాయకులు, కార్యకర్తలు రాకుండా పోలీసులు అడ్డుకుంటున్నారు. ముందస్తుగా పెద్దపప్పూరు మండలంలో టీడీపీ నేతలు, కార్యకర్తలను పోలీసులు అదుపులోకి తీసుకున్నారు. గృహ నిర్బంధం తప్పించుకుని జేసీ ప్రభాకరరెడ్డి రోడ్డుపైకి వచ్చారు. పోలీసులు తీరును నిరసిస్తూ రోడ్డుపై భైటాయించి నిరససన తెలిపారు. పోలీసులు, జేసీ ప్రభాకరరెడ్డి మద్య తీవ్ర వాగ్వివాదం జరిగింది. ఈ క్రమంలో జేసి ప్రభాకరెడ్డిని బలవంతంగా అదుపులోకి తీసుకుని స్టేషన్ కు తరలించారు.
YS Viveka Murder case: సుప్రీం కోర్టులో నేడు సునీత పిటిషన్ పై విచారణ.. తీర్పుపై సర్వత్రా ఉత్కంఠ
