Toll Plaza : గుడ్ న్యూస్ః టోల్ గేట్లు అన్నీ ఎత్తేస్తున్నారోచ్‌….

Share

Toll Plaza :ప్ర‌యాణికుల‌కు శుభ‌వార్త‌. టోల్ గేట్లు అన్ని ఎత్తేస్తున్నారు. ఇది వ‌చ్చే ఏడాది నుంచి అమ‌లు కానుంది. కేంద్రం మరో సంచలన నిర్ణయం తీసుకుంది. ఏడాదిలోగా దేశంలోని అన్ని టోల్‌ ప్లాజాలు తొలగిస్తామని కేంద్రం రవాణాశాఖ మంత్రి నితిన్ గడ్కరీ ప్రకటించారు. అదే స‌మ‌యంలో వీటి స్థానంలో జీపీఎస్ ఆధారిత టోల్ వ్యవస్థను తీసుకువస్తామని స్పష్టం చేశారు.

Toll Plaza
Toll Plaza

Toll Plaza టోల్ గేట్లు ఉండ‌విక‌…

ఏడాదిలోగా దేశంలోని అన్ని టోల్‌ బూత్‌లను తొలగిస్తామని లోక్‌సభలో కేంద్ర మంత్రి గ‌డ్క‌రీ ప్రకటన చేశారు. దేశవ్యాప్తంగా 93 శాతం వాహనదారులు ఫాస్టాగ్‌ ద్వారానే టోల్‌ చెల్లింపులు చేస్తున్నారని గడ్కరీ ఈ సందర్భంగా వెల్లడించారు. మిగతా 7 శాతం మంది మాత్రం రెట్టింపు టోల్ వసూలు చేస్తున్నా ఫాస్టాగ్‌ ఉపయోగించడం లేదని అన్నారు. ఫాస్టాగ్‌ ద్వారా టోల్ చెల్లించని వాహనాలపై పోలీసుల దర్యాప్తునకు ఆదేశించినట్టు నితిన్ గడ్కరీ వెల్లడించారు.

ఫాస్టాగ్ ఇలా ….

టోల్ గేట్ల వద్ద ట్రాఫిక్‌ను నియంత్రించాలనే ఉద్దేశ్యంతో ఫాస్టాగ్ విధానాన్ని 2017 నుంచి కేంద్రం అమలు చేస్తుండగా.. 2019 అక్టోబర్‌లో దేశవ్యాప్తంగా.. ఈ విధానాన్ని తప్పనిసరి చేసింది. ద్విచక్ర, మూడు చక్రాల వాహనాలతో పాటు.. పాత వాహనాలకు ఫాస్టాగ్ నుంచి మినహాయింపు వచ్చింది.ఫాస్టాగ్ విధానంలో వాహనాల విండ్‌స్క్రీన్‌పై ఉంచే ఫాస్టాగ్ స్టిక్కర్ లో రేడియో ఫ్రీక్వెన్సీ ఐడెంటిఫికేషన్ టెక్నాలజీని ఉపయోగిస్తారు.

ఇది టోల్ ప్లాజాలోని స్కానర్‌కు నేరుగా కనెక్ట్ అవుతుంది. వాహనదారుల ఖాతా నుంచి డబ్బులు ఆటోమెటిగ్గా కట్ అవుతాయి. ఇప్పటికే ఫాస్టాగ్ లేని వాహనాలను మార్షల్ లైన్‌లోకి అనుమతించడం లేదు. జనవరి 1 నుంచి ఆ ట్యాగ్ లేకుండా అసలు ఏ లైన్‌లోకి రాకుండా క‌ల్పించారు. వీటితో పాటు పాజిటివ్‌ పే సిస్టమ్‌, కాంటాక్ట్‌లెస్‌ కార్డు లావాదేవీల పెంపు, జీఎస్టీ రిటర్న్స్‌ వంటి నిబంధనలు అమల్లోకి వ‌చ్చాయి.


Share

Related posts

Mahesh : మహేష్ సినిమా అప్‌డేట్ త్రివిక్రమ్ ఎప్పుడిస్తారు..అసలు మొదలైందా..?

GRK

చంద్రబాబు, జగన్ ల మధ్య నలిగిపోతున్న నాయకుడు…??

sekhar

మోదికి మమత బహిరంగ సవాల్

somaraju sharma