Transco Employees Protest: విద్యుత్ రంగ సంస్థలైన జెన్కో, ట్రాన్స్ కో, డిస్కంలలో పని చేస్తున్న ఉద్యోగులకు సకాలంలో జీతాలు అందకపోవడంతో తీవ్ర ఇబ్బందులు పడుతున్నారు. ఆయా ఉద్యోగ సంఘాల ఆధ్వర్యంలో ఆందోళన కార్యక్రమాలు నిర్వహిస్తున్నారు. ఏప్రిల్ నెలలో 8వ తేదీన జీతాలు జమ అయ్యాయి. ఈ నెల 12వ తేదీ వచ్చినా విద్యుత్ శాఖ ఉద్యోగులకు జీతాల చెల్లింపు జరగలేదు. వేతనాలపై ఆధారపడిన విద్యుత్ శాఖ ఉద్యోగులు కొందరు వివిధ రకాల లోన్లు బ్యాంకుల నుండి తీసుకుని ఉన్నారు. జీతాలు సక్రమంగా పడకపోవడంతో చెక్ లు బౌన్స్ అవుతున్నాయని ఉద్యోగులు వాపోతున్నారు. జీతాలు ఆలస్యం కావడంతో ఇంటి అద్దెలు, పిల్లల స్కూల్ ఫీజుల చెల్లింపునకు జాప్యం అవుతోందని ఉద్యోగులు ఆగ్రహం వ్యక్తం చేస్తున్నారు.
- Read the latest news from NEWSORBIT
- Follow us on facebook , Twitter , instagram and Googlenews
Transco Employees Protest: ఉద్యోగుల నిరసన
జీతాలు సక్రమంగా విడుదల చేయాలని డిమాండ్ చేస్తూ విజయవాడలో విద్యుత్ ఉద్యోగులు ధర్నా నిర్వహించగా, బాపట్ల జిల్లా చీరాలలో విద్యుత్ ఉద్యోగులు మద్యాహ్న భోజన విరామ సమయంలో నిరసన ప్రదర్శన నిర్వహించారు. ఏపిసిపిడీసిఎల్ అనుసరిస్తున్న వైఖరిపై ఉద్యోగ సంఘాల నేతలు ఆగ్రహం వ్యక్తం చేస్తున్నారు. ఈ సందర్భంగా చీరల విద్యుత్ ఏఇ మాట్లాడుతూ 12వ తేదీ వచ్చినా ఇంత వరకూ జీతాలు చెల్లింపు జరగలేదనీ, దీంతో పిల్లల స్కూల్ ఫీజులు, ఇంటి అద్దెలు కట్టలేక ఇబ్బందులు పడుతున్నామన్నారు. యాజమాన్యం తక్షణం స్పందించి ప్రతి నెలా సక్రమంగా వేతనాలు చెల్లించాలని ఆయన డిమాండ్ చేశారు.