Viral News: “తాడి తన్నే వాడు ఉంటే తలతన్నేవాడు” ఉన్నట్లు అక్రమ మద్యం వ్యాపారులు తమ విక్రయాలకు అనేక మార్గాలు అనుసరిస్తున్నా వాటిని పోలీసులు ఛేదిస్తున్నారు. ఏపిలో మద్యం ధరలు ఎక్కువగా ఉండటంతో సరిహద్దు రాష్ట్రాల నుండి మద్యం అక్రమ మార్గాల్లో తెప్పించి విక్రయాలు సాగిస్తున్నారు. స్పెషల్ ఎన్ఫోర్స్మెంట్ బ్యూరో అధికారుల దాడుల్లో నిత్యం రాష్ట్రంలో ఎక్కడో ఒక చోట అక్రమంగా రవాణా చేస్తున్న వారు పట్టుబడుతూనే ఉన్నారు.
ఓ పక్క కర్నాటక, మరో పక్క తెలంగాణ రాష్ట్రాల నుండి అక్రమ మద్యం రవాణా సాగుతోంది. రాష్ట్ర సరిహద్దుల్లో చెక్ పోస్టులను ఏర్పాటు చేసి తనిఖీలు నిర్వహిస్తున్నా వివిధ మార్గాల్లో పోలీసుల కళ్లు గప్పి మద్యం కేసులను తీసుకువచ్చి అక్రమార్కులు విక్రయాలు సాగిస్తూనే ఉన్నారు.
Read More: Eatala Rajender: ఫైలెట్ అప్రమత్తతో ఈటల బృందానికి తప్పిన పెను ప్రమాదం..!!
ఈ క్రమంలోనే అనంతపురం జిల్లా వజ్రకోడూర్ మండలం చాబాల గ్రామానికి చెందిన అంజి అనే వ్యక్తి కర్నాటక నుండి మద్యం ప్యాకెట్ లు తెప్పించి గుట్టుగా వ్యాపారం చేస్తున్నాడు. పోలీసుల దాడులకు వచ్చినా పట్టుబడకుండా ఉండేందుకు అతను చాలా తెలివైన ప్లాన్ వేశాడు. అయినా దొరికిపోయాడు. అంజి మద్యం ప్యాకెట్ లను ఓ బిందెలో ఉంచి తన ఇంటి ముందు గొయ్యి తీసి పాతిపెట్టి వ్యాపారం చేస్తున్నాడు. విషయం తెలుసుకున్న పోలీసులు అంజి ఇంటి ముందు పాతి పెట్టిన బిందెలను తీయించగా అందులో 75 కర్నాటక మద్యం ప్యాకెట్లు బయటపడ్డాయి. పోలీసులు వాటిని స్వాధీనం చేసుకుని ఆ వ్యక్తిని అరెస్టు చేశారు. కేసు నమోదు చేసి దర్యాప్తు చేస్తున్నారు.