Vizag Steel :ఏపీలో ఇప్పుడు హాట్ టాపిక్ విశాఖ ఉక్కు ప్రైవేటీక‌ర‌ణ.విశాఖ ఉక్కు ప్రైవేటీకరణకు వ్యతిరేకంగా ఉద్యమం కొనసాగుతోంది. ఇప్ప‌టికే దీనికి వివిధ వ‌ర్గాలు మద్దతు తెలిపాయి. ఇప్ప‌టికే ప్రముఖ సినీనటుడు, రాజ్యసభ మాజీ సభ్యుడు చిరంజీవి మద్దతు ప్రకటించారు. అయితే, మ‌రికొంద‌రు మాత్రం మద్దతు తెల‌ప‌క‌పోవ‌డంతో వారికి షాక్‌లు త‌గులుతున్నాయి. తాజాగా టాలీవుడ్‌ హీరో మంచు విష్ణుకు విశాఖ ఉక్కు నిరసన సెగ తగిలింది.
Vizag Steel : విశాఖ వెళ్లిన మంచు విష్ణుకు ఏం జ‌రిగిందంటే…
సినిమా ప్రమోషన్‌ కోసం విశాఖ వెళ్లిన మంచు విష్ణును…నిరసనకారులు అడ్డుకున్నారు. స్టీల్ ప్లాంట్‌ ఉద్యమానికి టాలీవుడ్‌ మద్దతు ఇవ్వాలని.. సినీ ప్రముఖులు ఎవరు వచ్చినా అడ్డుకుంటామని కార్మికులు హెచ్చరించారు. ఈ సందర్భంగా స్టీల్ ప్లాంట్‌ ఉద్యమానికి మంచు విష్ణు మద్దతు ఇవ్వాలని నిరసనకారులు వినతి పత్రం అందజేశారు. అయితే దీనిపై మంచు విష్ణు స్పందిస్తూ విశాఖ ఉద్యమానికి మద్దతు తెలపాలని సినీ ప్రముఖులకు ఉన్నా రాజకీయ కారణాల వల్ల ముందుకు రాలేకపోతున్నారని మంచు విష్ణు పేర్కొన్నారు. సినీ పెద్దల నిర్ణయం ప్రకారం ముందుకెళ్తామని ఆయన తెలిపారు. ప్రైవేట్‌ వ్యక్తులు లాభాల్లో నిర్వహిస్తామన్నప్పుడు, ప్రభుత్వానికి ఎందుకు సాధ్యం కాదని మంచు విష్ణు ప్రశ్నించారు.
చిరు ఏమన్నారంటే…
విశాఖ ఉక్కు ప్రైవేటీకరణకు వ్యతిరేకంగా కొనసాగుతున్న ఉద్యమానికి చిరంజీవి ఆదిలోనే మద్దతు ప్రకటించారు. కాలేజీ రోజుల్లోనే విశాఖ ఉక్కు ఉద్యమంలో పాల్గొన్నానని నాటి రోజులను ఆయన గుర్తు చేశారు. కాలేజీలో చదువుకునే సమయంలో విశాఖ ఉక్కు- ఆంధ్రుల హక్కు అని బ్రష్‌తో రాశానని చెప్పారు. నష్టాల పేరుతో విశాఖ స్టీల్ ప్లాంట్‌ను ప్రైవేటీకరిస్తామనడం దారుణం అని చిరంజీవి ఆగ్రహం వ్యక్తం చేశారు. ప్రాంతాలు, పార్టీలకతీతంగా అందరూ పోరాడాలని చిరంజీవి పిలుపునిచ్చారు.
లక్షలాది మంది ప్రత్యక్షంగా, పరోక్షంగా ఆధారపడిన విశాఖ ఉక్కును ప్రైవేటు వ్యక్తులకు ధారాదత్తం చేసే ప్రయత్నాలను కేంద్రం విరమించుకోవాలని కోరుతున్నాను. ఉద్యోగులు, కార్మికుల భవిష్యత్తును, ప్రజల మనోభావాల గుర్తించి కేంద్రం ఈ నిర్ణయాన్ని పునఃసమీక్షించుకోవాలి. ఉక్కు సంకల్పంతో విశాఖ ఉక్కును కాపాడుకుందాం’ అంటూ చిరంజీవి పిలుపునిచ్చారు.కాలేజీ రోజుల్లోనే విశాఖ ఉక్కు ఉద్యమంలో పాల్గొన్నానని నాటి రోజులను ఆయన గుర్తు చేశారు. కాలేజీలో చదువుకునే సమయంలో విశాఖ ఉక్కు- ఆంధ్రుల హక్కు అని బ్రష్‌తో రాశానని చెప్పారు
