Mallik Paruchuri: మల్లిక్ పరుచూరి రిసెర్చ్ సైంటిట్స్. కోవిడ్ 19 చికిత్స, ప్రోటోకాల్, కోవిడ్ వ్యాక్సిన్ తదితర విషయాలపై యూట్యూబ్ వీడియో ప్రసారం ద్వారా తెలుగు రాష్ట్రాల్లో పాపులర్ అయ్యారు. విశాఖకు చెందిన మల్లిక్ కోదాడలోని రామకృష్ణ రెసిడెన్షియల్ హైస్కూల్ లో చదువుకున్నారు. కెమికల్ ఇంజనీరింగ్ లో డిగ్రీ పూర్తి చేశారు. ప్రస్తుతం ఆయన ఫోజ్జో స్ఫేర్స్ ప్రైవేటు లిమిటెడ్ డైరెక్టర్ గా ఉన్నారు. కరోనా మొదటి వేవ్ నుండి కరోనా వైద్య విధానంలో లోపాలు, ప్రైవేటు ఆసుపత్రుల దోపిడీ, మెడికల్ మాఫియా తదితర అంశాలపై తన కోవికేర్ సోషల్ మీడియా ఫ్లాట్ ఫారమ్ ద్వారా ప్రజలను చైతన్య పరుస్తున్నారు. దీంతో రెండు తెలుగు రాష్ట్రాల్లో వేలాది మంది ఫాలోవర్స్ అయ్యారు. లక్షలాది మంది ఆయన వీడియోలను వీక్షిస్తున్నారు.
కొద్ది రోజుల క్రితం ఓ టీవి చర్చా కార్యాక్రమంలో కోరనా థర్డ్ వేవ్ గురించి ఆయన కీలక వ్యాఖ్యలు చేశారు. మూడో వేవ్ అత్యంత భయానకరంగా ఉంటుందనీ, వ్యాక్సిన్ లు పని చేయబోవని, పిల్లలపై అధిక ప్రభావం ఉంటుందని వ్యాఖ్యానించారు. ఇంటికి ఒకరు చనిపోతారంటూ కూడా మాట్లాడారు. ఈ వ్యాఖ్యలపై తెలంగాణ పబ్లిక్ హెల్త్ డైరెక్టర్ శ్రీనివాసరావు మల్లిక్ పై మండిపడ్డారు. మల్లిక్ సంచలన వ్యాఖ్యల నేపథ్యంలో పోలీస్ స్టేషన్ లో కేసు పెట్టారు. ఆ నేపథ్యంలోనే ఆయనను వివాదాస్పద దర్శకుడు రాం గోపాల్ వర్మ ఇంటర్వ్యూ చేయడం ప్రాధాన్యతను సంతరించుకుంది. ఈ వీడియోను దాదాపు అయిదు లక్షల మందికి పైగా వీక్షించి రకరకాల కామెంట్స్ చేశారు. తెలంగాణ ప్రభుత్వం మల్లిక్ పై కేసు నమోదు చేయడాన్ని రాం గోపాల్ వర్మ తప్పుబట్టారు. మల్లిక్ మాట్లాడిన మాటలు తప్పుడవని ఎలా కొట్టిపారేస్తారని వర్మ ప్రశ్నించారు. ప్రభుత్వానికి రాంగోపాల్ వర్మ ప్రశ్నలను సంధించారు.
ఈ వివాదాల నేఫథ్యంలో మల్లిక్ అఫిషియల్ వాట్సాప్ నెంబర్ ను బ్లాక్ చేశారు. తనపై మెడికల్ మాఫియా ఆర్గనైడ్జ్ అటాక్ చేస్తుందని మల్లిక్ ఆరోపిస్తున్నారు. వాట్సాఫ్ గ్రూపులను బ్లాక్ చేయడం, వాలంటీర్లకు ఫోన్ చేసి బెదిరించడం, సోషల్ మీడియా ద్వారా కూడా తన వాయిస్ ప్రజలకు చేరకుండా చేసేందుకు కుట్ర జరుగుతోందని ఆయన ఆరోపించారు. విశాఖ గాజువాక ఆలూరి టవర్స్ లోని తన నివాసం వద్ద మల్లిక్ పరుచూరి నేడు నిరాహార దీక్షకు కూర్చున్నారు. దీనిపై వేలాది మంది సోషల్ మీడియా ఫాలోవర్స్ ఆయనకు సంఘీభావం తెలియజేస్తున్నారు. తాను కరోనా వైద్య విధానాలకు సంబంధించి 53 ప్రశ్నలు సంధిస్తే ఒక్క దానికి రిప్లై ఇవ్వలేదన్నారు మల్లిక్, థర్త్ వేవ్ వస్తే ఎలా ఎదుర్కొంటారు. పిల్లలను ఎలా రక్షిస్తారు, డేల్టాప్లస్ ను ఎలా ఎదుర్కొంటారు అంటే వేటికీ సమాధానం ఇవ్వలేదన్నారు.