Alimineti madhava reddy: రాజకీయ నాయకులు తమ రాజకీయాల కోసం దివంగతులైన వారిని వదిలిపెట్టరు. రెండు దశాబ్దాల క్రితం మృతి చెందిన ఎలిమినేటి మాధవరెడ్డి తెరపైకి తీసుకువచ్చి చంద్రబాబు కుటుంబంపై బురద చల్లే ప్రయత్నం జరిగింది. టీడీపీ నుండి గెలిచి వైసీపీ వైపుకు వెళ్లిన గన్నవరం ఎమ్మెల్యే వల్లభనేని వంశీ కొద్ది రోజుల క్రితం చంద్రబాబు, నారా లోకేష్ లను తీవ్ర స్థాయిలో విమర్శిస్తూ ఎలిమినేటి మాధవరెడ్డి పేరును ప్రస్తావించారు. తాజాగా నిన్న అసెంబ్లీ సమావేశంలో వైసీపీ ఎమ్మెల్యే అంబటి రాంబాబు.. ఎలిమినేటి మాధవరరెడ్డి పేరును ఉశ్చరిస్తూ విమర్శలకు దిగారు. మంత్రులు కొడాలి నాని, కురసాల కన్నబాబు తదితర మంత్రులు, వైసీపీ ఎమ్మెల్యేలు చంద్రబాబును అవమానిస్తూ మాట్లాడారు. దీంతో మనస్థాపానికి గురైన చంద్రబాబు సభ నుండి వాకౌట్ చేసిన విషయం తెలిసిందే. ఆ తరువాత టీడీపీ కార్యాలయంలో జరిగిన కార్యక్రమంలో చంద్రబాబు తీవ్ర భావోద్వేగానికి గురై కంటతడిపెట్టారు. చంద్రబాబు సతీమణి భువనేశ్వరి వ్యక్తిత్వ హననం జరిగేలా వ్యాఖ్యలు చేయడాన్ని సభ్య సమాజం తప్పుబడుతోంది. ఈ నేపథ్యంలో ఎలిమినేటి మాధవరెడ్డికి సంబంధించిన వివరాలు ఏమిటంటే…
Alimineti madhava reddy: ఎన్టీఆర్, చంద్రబాబు హయాంలో హోం మంత్రిగా..
టీడీపీ ఆవిర్భావానికి ముందు మాధవరెడ్డి గ్రామ రాజకీయాల్లో ఉండేవారు. 1984లో ఆయన టీడీపీలో చేరారు. 1983లో నారా లోకేష్ పుట్టిన ఏడాది తరువాత మాధవరెడ్డి పార్టీలో చేరారు. 1985 లో టీడీపీ టికెట్ పై ఎమ్మెల్యేగా ఎన్నికైన మాధవరెడ్డి.. ఎన్టీఆర్, చంద్రబాబు హయాంలో హోంశాఖ మంత్రిగా బాధ్యతలు నిర్వహించారు. మాధవరెడ్డి మృధు స్వభావి అయినప్పటికీ ఉమ్మడి ఆంధ్రప్రదేశ్ లో హోంశాఖ మంత్రిగా శాంతి భద్రతల నియంత్రించడానికి సమర్ధవంతంగా చర్యలు తీసుకున్నారు. ఈ తరుణంలో నక్సల్స్ కు మాధవరెడ్డి శతృవు అయ్యాయి. 2000 సంవత్సరంలో పీపుల్స్ వార్ గ్రూపు నక్సలైట్ లు పేల్చిన మందు పాతర కారణంగా మాధవరెడ్డి మృతి చెందారు. రాష్ట్రంలో శాంతి భద్రతల నియంత్రలో పటిష్ట చర్యలు చేపట్టి ప్రాణాలు అర్పించిన నాయకుడి మరణాన్ని ఇప్పుడు రాజకీయాలకు వాడుకుంటున్నారు.
మాధవరెడ్డి మరణానంతరం ఆయన సతీమణి ఉమా మాధవరెడ్డిని చంద్రబాబు రాజకీయాల్లోకి తీసుకువచ్చి తన మంత్రివర్గంలోకి తీసుకున్నారు. కుమారుడి రాజకీయ భవిష్యత్తు కోసం 2017లో ఉమా మాధవరెడ్డి టీఆర్ఎస్ లో చేరక ముందు వరకూ టీడీపీలో పలు పదవుల్లో ఆమె ఉన్నారు. టీడీపీని వీడిన తరువాత కూడా ఆమె టీడీపీపైన గానీ, చంద్రబాబుపైన గానీ తనకు అత్యంత గౌరవం ఉందని పలు సందర్భాల్లో తెలిపారు.
