YS Viveka Case: మాజీ మంత్రి వైఎస్ వివేకా హత్య కేసులో కీలక పరిణామం చోటుచేసుకుంది. ఈ కేసులో ప్రధాన నిందితుడు ఉన్న ఎర్ర గంగిరెడ్డి బెయిల్ రద్దు అయ్యింది. ఈ మేరకు తెలంగాణ హైకోర్టు ఆదేశాలు జారీ చేసింది. ఎర్ర గంగిరెడ్డి బెయిల్ రద్దు చేయాలంటూ సీబీఐ దాఖలు చేసిన పిటిషన్ పై బుధవారం విచారణ జరిపిన తెలంగాణ హైకోర్టు.. నేడు తీర్పు కీలక తీర్పు ఇచ్చింది. మే 5వ తేదీ లోపు సీబీఐకి లొంగిపోవాలని ఎర్ర గంగిరెడ్డికి కోర్టు ఆదేశించింది. వివేకా హత్య కేసులో ఘటనా స్థలంలో సాక్ష్యాలను చెరిపివేశారన్న అభియోగంపై ఎర్ర గంగిరెడ్డిని గతంలో పోలీసులు అరెస్టు చేయగా, అప్పటి సిట్ 90 రోజుల్లో చార్జిషీటు దాఖలు చేయని కారణంగా కోర్టు డిఫాల్ట్ బెయిల్ మంజూరు చేయడంతో ఆయన విడుదల అయ్యారు.
ఈ కేసును దర్యాప్తు స్వీకరించిన తర్వాత ప్రధాన నిందితుడైన ఎర్ర గంగిరెడ్డి బెయిల్ రద్దు చేయాలని ఏపి హైకోర్టును సీబీఐ ఆశ్రయించింది. అయితే ఏపి హైకోర్టు ఇరుపక్షాల వాదనలు విన్ని సీబీఐ పిటిషన్ ను డిస్మిస్ చేసింది ఆ తర్వాత సీబీఐ .. ఏపి హైకోర్టు తీర్పును సుప్రీం కోర్టులో సవాల్ చేయగా, ఏపి హైకోర్టు ఇచ్చిన తీర్పును రద్దు చేసింది. ఆ సందర్భంగా కీలక వ్యాఖ్యలు చేయడంతో పాటు బెయిల్ రద్దు పిటిషన్ విచారణను తెలంగాణ హైకోర్టుకు బదిలీ చేసింది. వివేకా హత్య కేసులో ప్రధాన నిందితుడైన ఎర్ర గంగిరెడ్డి బయట ఉండటం వల్ల దర్యాప్తు సహకరించడానికి ప్రజలు ఎవరూ ముందుకు రావడం లేదని సీబీఐ బుధవారం హైకోర్టుకు నివేదించింది. ఆయన వెనుక రాజకీయ ప్రముఖులు ఉండటంతో ప్రజల్లో భయం ఉందని తెలిపింది. నిర్ధిష్ట గడువులోగా చార్జిషీటు దాఖలు చేయకపోవడం వల్ల ఎర్ర గంగిరెడ్డికి మంజూరైన చట్టపరమైన బెయిల్ ను రద్దు చేయాలని సీబీఐ దాఖలు చేసిన పిటిషన్ పై బుధవారం జస్టిస్ చిల్లుకూరు సుమలత విచారణ జరిపారు.
సీబీఐ తరపు న్యాయవాది ఎం నాగేందర్ వాదనలు వినిపిస్తూ .. బెయిల్ సమర్ధిస్తూ ఏపి హైకోర్టు ఇచ్చిన తీర్పును సుప్రీం కోర్టు రద్దు చేసిందని తెలిపారు. దాని ఆధారంగా వాదనలు చెప్పడం సరికాదని, ఏ కారణం మీద ఎర్ర గంగిరెడ్డికి బెయిల్ రద్దు కోరుతున్నారని న్యాయమూర్తి న్యాయమూర్తి ప్రశ్నించారు. వివేకా హత్య కేసులో పెద్ద కుట్ర దాగి ఉందనీ, పథక రచన, అమలు అంతా ఎర్ర గంగిరెడ్డే చేశారని సీబీఐ తరపు న్యాయవాది చెప్పారు. ఆయన బయట ఉంటే ఇతరులు ఎవరూ దర్యాప్తునకు సహకరించరని తెలియజేస్తూ, ఈ కేసులో సుప్రీం కోర్టు తీర్పును గుర్తు చేశారు. గుగుల్ టేకౌట్ వంద సాంకేతిక ఆధారాలు ఉన్నాయనీ, గంగిరెడ్డి బెయిల్ ను రద్దు చేయాలని కోరారు. సీబీఐ వాదనలకు ఏకీభవించిన కోర్టు ఎర్ర గంగిరెడ్డి బెయిల్ రద్దు చేస్తూ నేడు తీర్పును వెలవరించింది.
Rain Alert: ఏపిలో మరో వారం రోజులు వర్షాలు .. ఏయే ప్రాంతాల్లో అంటే..?