వైసీపీ ప్లీనరీకి వర్ష ప్రభావం ..భారీగా తరలివస్తున్న పార్టీ శ్రేణులు

వైఎస్ఆర్ సీపీ ప్లీనరీ సమావేశాలకు భారీ వర్ష ప్రభావం తగిలింది. రెండు రోజుల పాటు జరుగుతున్న వైసీపీ ప్లీనరీ సమావేశాలు గుంటూరు ఆచార్య నాగార్జున యూనివర్శిటీ ఎదురుగా వైఎస్ఆర్ ప్రాంగణంలో నిన్న అట్టహాసంగా ప్రారంభమైయ్యాయి. పార్టీ అధినేత, సీఎం వైఎస్ జగన్, గౌరవాధ్యక్షురాలు విజయమ్మలు సమావేశాలను ప్రారంభించగా రాష్ట్ర నలుమూలల నుండి పెద్ద సంఖ్యలో ప్రజా ప్రతినిధులు హజరైయ్యారు.

అయితే శుక్రవారం రాత్రి నుండి ఎడతెరిపిలేకుండా కురుస్తున్న వర్షానికి ప్రధాన వేదిక, టెంట్లు మినహా ప్లీనరీ ప్రాంగణం మొత్తం జలమయమైంది. వర్షం ధాటికి రెండు షామియానాలు కూలిపోయాయి. దీంతో నిర్వహకులు యుద్ద ప్రాతిపదికన షామియానాలను పునరుద్దరించారు. మరో పక్క వర్షాన్ని లెక్క చేయకుండా బారీగా వైసీపీ శ్రేణులు ప్లీనరీ ప్రాంగణానికి చేరుకుంటున్నారు. తొలి రోజు సమావేశాలకు లక్షా 60వేల మందికి పైగా తరలిరాగా నేడు సుమారు 5 లక్షల మంది పాల్గొంటారని అంచనాలతో నిర్వహకులు ఏర్పాట్లు చేశారు.

కాగా ఈ రోజు ప్లీనరీ సమావేశాల్లో అయిదు తీర్మానాలను ప్రవేశపెట్టనున్నారు. పాలన – పారదర్శకత, సామాజిక సాధికారత, వ్యవసాయం, పరిశ్రమలు – ఎంఎస్ఎంఈ ప్రోత్సాహకాలు, ప్రభుత్వంపై దుష్ప్రచారం వంటి అంశాలపై తీర్మానాలు చేయనున్నారు. పది గంటల నుండి ఈ తీర్మానాలను ప్రవేశపెట్టనున్నారు. ఇక సాయంత్రం 3.30 గంటలకు వైసీపీ శాశ్వత అధ్యక్షుడుగా వైఎస్ జగన్ ను ఎన్నుకోనున్నారు. సాయంత్రం 4గంటలకు జగన్ ముగింపు సందేశం ఇవ్వనున్నారు.

బ్రేకింగ్ : వైసీపీ గౌరవ అధ్యక్ష పదవికి వైఎస్ విజయమ్మ రాజీనామా.. కారణం ఏమిటంటే..?