Bigg Boss 6: బిగ్ బాస్ సీజన్ సిక్స్ గేమ్ రసవత్తరంగా సాగుతోంది. 9వ వారం కెప్టెన్సీ పోటీదారుల కోసం ఏంటి సభ్యులను రెడ్, బ్లూ టీం లుగా విభజించడం జరిగింది. దీంతో రెండు టీముల సభ్యులు నువ్వా నేనా అన్నట్టుగా పోటీ పడుతున్నారు. బ్లూ టీంకి ఆదిరెడ్డి నాయకత్వం వహిస్తుండగా రెడ్ టీంకి గీతూ కెప్టెన్ గా వ్యవహరిస్తుంది. అయితే గేమ్ లో గీతూ ఇతరుల వీక్ నేస్ తో ఆడుకునే రీతిలో బుద్ధి బలం కూడా చూపించే భాగం కావడంతో గీతూ… ఇప్పటికే బాలాదిత్యకి సంబంధించి సిగరెట్ల విషయంలో అతన్ని ఓ ఆట ఆడుకుంది. దెబ్బకి కన్నీళ్లు పెట్టుకున్నాడు. సిగరెట్ లు మరియు లైటర్ కోసం నానా తంటాలు పడ్డాడు.
గీతూ దాదాపు రెండు రోజులపాటు బాలాదిత్యానీ వేధించేసింది. అయితే గేమ్ పాస్ లో ఉన్న సమయంలో… అందరూ నిద్రపోతుండగా ఆదిరెడ్డి టీ షర్ట్ దొంగిలించి అతని బ్లూ స్ట్రైప్స్ పీకేసింది. గురువారం ఎపిసోడ్ లో ఇదంతా కనపడగా శుక్రవారం ఎపిసోడ్..కి సంబంధించి రిలీజ్ అయిన ప్రోమోలో…గీతూ ఆడిన ఆట తీరకు ఆదిరెడ్డి మైక్ నేలకేసి బాది టీ షర్టు విప్పేశాడు. అంతేకాదు ప్రోమో చివరిలో… భవిష్యత్తులో నా గురించి నువ్వు ఏడ్చే రోజు ఉంటుంది. అప్పుడు నేను చెబుతా ఈ ఎఫెక్ట్ కారణంగానే.. ఏడిపించానని నీకు తెలుస్తుంది.. అంటూ ఆది రెడ్డి చాలా సీరియస్ డైలాగులు వేశారు.
తన సొంత ఆలోచనలతో గీతూ ఆడిన ఆట తీరకు గేమ్ చాలావరకు డైవర్ట్ అయిపోయింది. బిగ్ బాస్ ఇచ్చే ఆదేశాలకు విరుద్ధంగా గీతూ ఆడుతున్న ఆట తీరు వల్ల జనాలు విమర్శలు చేస్తున్నారు. గత శనివారమే.. ఎవరి ఆట వాళ్లు ఆడాలి. అందరి చేత బిగ్ బాస్ ఆట ఆడించడానికి ఉన్నారు. అన్ని ప్రత్యేకంగా గీతూకి నాగార్జున క్లాస్ పీకారు. అయినా గాని మళ్లీ ఈ వారంలో అదే తప్పు చేయడంతో శనివారం ఎపిసోడ్ లో గీతూపై నాగార్జున సీరియస్ అవ్వటం గ్యారెంటీ అని అంటున్నారు.