Bigg Boss 6: బిగ్ బాస్ సీజన్ సిక్స్ 9వ వారంలో గీతూ ఎలిమినేట్ కావటం అందరికీ షాక్ ఇచ్చింది. ఇంటిలో ఉన్న సభ్యులతో పాటు బయట ఉన్న ఆడియన్స్ సైతం గీతూ ఎలిమినేషన్ నీ తీసుకోలేకపోతున్నారు. ఇక తెలుగు బిగ్ బాస్ షోలో ఎలిమినేట్ అయిన సమయంలో గీతూ… బాధపడినంతగా మరో కంటెస్టెంట్ బాధపడలేదు. హౌస్ విడిచి రాలేకపోయింది. నాగార్జునతో వేదికపై కూడా తన ఓటమిని జీర్ణించుకోలేక గుక్క పెట్టి ఏడుస్తూనే ఉంది.
కానీ గీతూ ఎలిమినేట్ అవ్వటానికి ప్రధాన కారణం ఆమె అతిగా గేమ్ ఆడటం అని బయట టాక్. బిగ్ బాస్ ఇస్తున్న ఆదేశాలకు గీతూ కొన్నిసార్లు తీసుకున్న నిర్ణయాలకు టాస్క్ ముందుకెళ్లకుండా… జరిగిన సందర్భాలు సీజన్ సిక్స్ లో చాలా ఉన్నాయని అందువల్లే ఆమెను హౌస్ నుండి పంపించేసినట్లు భావిస్తున్నారు. ఇదంతా పక్కన పెడితే హౌస్ నుండి ఎలిమినేట్ అయిన తర్వాత ఫస్ట్ టైం సోషల్ మీడియాలో గీతూ ఎమోషనల్ పోస్టు పెట్టడం జరిగింది. “బిగ్ బాస్ జర్నీ నా జీవితంలో అతి ప్రాముఖ్యమైనది. ఈ ప్రయాణంలో నేను ఓడిపోయాను. మనుషుల విలువ తెలిసింది. నా తప్పులన్నీ క్షమించండి ప్లీజ్. నన్ను నన్నుగా అర్థం చేసుకుని సపోర్ట్ చేసిన ప్రతి ఒక్కరికి చచ్చిపోయే వరకు రుణపడి ఉంటా” అంటూ ఎమోషనల్ పోస్ట్ పెట్టడం జరిగింది.
దీంతో గీతూ పెట్టిన పోస్ట్ సోషల్ మీడియాలో వైరల్ గా మారింది.మరోపక్క “గీతూ” రీ యంట్రి ఇవ్వాలని ఆమె ఫాలోవర్స్ సోషల్ మీడియాలో గట్టిగా ప్రచారం చేస్తున్నారు. మరోపక్క హౌస్ లో ఆదిరెడ్డి మరికొంతమంది కంటెస్టెంట్స్ గీతూ సీక్రెట్ రూమ్ లో ఉందని భావిస్తున్నారు. అయితే బిగ్ బాస్ షోలో ఏదైనా జరిగే అవకాశం ఉంది కాబట్టి …గీతూ రావాలని కోరుకుంటున్నారు.