Bigg Boss 6: బిగ్ బాస్ సీజన్ సిక్స్ ఐదో వారంలో చలాకి చంటి ఎలిమినేట్ కావడం జరిగింది. అంతకుముందు వారమే సీజన్ మొత్తానికి కెప్టెన్ కాకుండా అనర్హుడుగా.. పనిష్మెంట్ రావటంతో గేమ్ పరంగా చంటి ఎంతో డల్ అయిపోయాడు. ఈ పరిణామంతో హౌస్ లో ఉన్న పెద్దగా ఉపయోగముండదని కెమెరాల ముందు తనని హౌస్ నుండి పంపించేయాలని వేడుకోవడం జరిగింది. కానీ అనూహ్యంగా నామినేషన్ లో ఉండటంతో అందరికంటే ఓట్లు తక్కువ రావటంతో చంటి ఎలిమినేట్ అయినట్లు ఆదివారం ఎపిసోడ్ లో నాగార్జున ప్రకటించారు. కాగా హౌస్ నుండి బయటకు వచ్చేసిన తర్వాత పలు యూట్యూబ్ ఛానల్ లకి చంటి ఇంటర్వ్యూలు ఇస్తున్నారు.
ఈ సందర్భంగా తనకి బిగ్ బాస్ గేమ్ మరియు డబ్బులు కంటే.. జనాల అభిమానం సంపాదించడం ఆనందంగా ఉందని తెలిపారు. ఇంకా ఇదే సమయంలో తోటి కంటెస్టెంట్ గీతుపై చంటి సంచలన వ్యాఖ్యలు చేశారు. గీతు హౌస్ లో గేమ్ మాత్రమే ఆడుతుంది. ఈ క్రమంలో కొన్ని విషయాలు వ్యక్తిగతంగా తీసుకొని తప్పులు చేస్తోంది. నామినేషన్ ప్రక్రియలో నాలుగో వారంలో మొదటి వారంలో జరిగిన సందర్భాన్ని తీసుకొచ్చి నన్ను నామినేట్ చేసింది గీతు. దీంతో హౌస్ లో చాలామంది నాలుగో వారం నామినేషన్ పై గీతు వ్యవహరించిన తీరుకు తప్పు పట్టడం జరిగింది.
దీన్ని బట్టి చూస్తే ఆమె నన్ను టార్గెట్ చేసి గేమ్ ఆడిందని అర్థమవుతుంది. కానీ నేనెప్పుడూ కూడా ఆ రీతిగా గేమ్ ఆడలేదు అని చంటి తెలియజేశారు. మొదటి నుండి హౌస్ లో చంటి వర్సెస్ గీతు పరిస్థితులు నెలకొన్న సంగతి తెలిసిందే. దీంతో హౌస్ లో వీళ్లిద్దరి మధ్య చాలా సందర్భాలలో గొడవలు కూడా జరిగాయి. ఈ క్రమంలో గీతు వండిన కూర చంటి తినకుండా ఉన్న సందర్భాలు కూడా ఉన్నాయి. ఇద్దరూ కూడా నువ్వా నేనా అన్నట్టుగా వ్యవహరించారు. ఈ క్రమంలో ఐదో వారంలో చంటి ఎలిమినేట్ అయ్యాక గీతుపై వ్యాఖ్యలు చేయటం సంచలనంగా మారింది.
