Bigg Boss 6: బిగ్ బాస్ సీజన్ సిక్స్ 9వ వారం గీతూ ఎలిమినేట్ కావటం తెలిసిందే. గీతూ ఎలిమినేషన్ పై బయట రకరకాల డిస్కషన్ లు జరుగుతున్నాయి. అన్ ఫెయిర్ ఎలిమినేషన్ అని చాలామంది నెగిటివ్ కామెంట్లు చేస్తున్నారు. మరోపక్క ఆమె సపోర్ట్ లు గీతూనీ మళ్లీ హౌస్ లోకి తీసుకురావాలని.. సోషల్ మీడియాలో రకరకాల హ్యాశ్ ట్యాగ్ లతో ట్రెండ్ చేస్తున్నారు. ఇదిలా ఉంటే హౌస్ నుండి ఎలిమినేట్ అయిన గీతూ… తాజాగా లైవ్ లోకి రావడం జరిగింది. ఈ లైవ్ లో గీతూ… బోరున ఏడ్చేసింది. హౌస్ నుండి ఎలిమినేట్ అవుతున్న సమయంలో ఏ రీతిగా భావోద్వేగంగా ఉందో.. అదే తరహాలో ఇంకా ఏడుస్తూనే తన ఓటమిని జీర్ణించుకోలేకపోతోంది.
చిన్ననాటి నుండి తాను ఎవరినైతే నమ్మడం జరిగిందో.. వాళ్లందరూ వెన్నుపోటు పొడుస్తూనే వచ్చారు. ఆఖరికి బిగ్ బాస్ హౌస్ లోకి వెళ్ళకముందు.. నేను నమ్ముకున్న నా ఫ్రెండ్స్ కూడా వెన్నుపోటు పొడిచారు. కేవలం నన్ను సపోర్ట్ చేసింది నా కుటుంబ సభ్యులే అంటూ లైవ్ లో గీతూ ఏడ్చేసింది. నాకు పిఆర్ కూడా లేదు. ఇంతవరకు నాకు మద్దతు వచ్చింది అంటే… అంత జెన్యూన్ గానే రావడం జరిగింది. కానీ ఫస్ట్ వీక్ నెగిటివ్ కామెంట్లు ఎవరైనా పెడితే దానికి పాజిటివ్ రిప్లై ఇవ్వాలని… ఒక వ్యక్తికి పాతిక వేలు ఇచ్చాను.
అతడు డబ్బులు తీసుకున్నాడు గాని.. ఎలాంటి పని జరగలేదు. బయట నా ఫ్రెండ్స్ నాకోసం వీడియోలు చేస్తారు, నన్ను సపోర్ట్ చేస్తారు, అని చాలా.. అంచనాలు పెట్టుకుని హౌస్ లోకి వెళ్తే బయటకు వచ్చేసరికి నా కుటుంబ సభ్యులు తప్ప నేను నమ్ముకున్న నా ఫ్రెండ్స్ అందరూ నాకు వెన్నుపోటు పొడిచారు. 10 ఇంకా నాలుగు సంవత్సరాల నుండి తెలిసిన స్నేహితుడు కూడా ఎవ్వరూ నాకు సపోర్ట్ చేయలేదు. నేను ఆడిన ఆట తీరే నన్ను బయటకు పంపేలా చేసింది అంటూ గీతూ లైవ్ లో ఏడ్చేసింది.