Bigg Boss 6: టెలివిజన్ రంగంలో ప్రపంచవ్యాప్తంగా బిగ్ బాస్ రియాల్టీ షోకి విపరీతమైన ఆదరణ ఉంది. ఇండియాలో ఫస్ట్ హిందీలో స్టార్ట్ అయింది. ఆ తర్వాత దక్షిణాదిలో స్టార్ట్ కావడం జరిగింది. హిందీలో ఎప్పటికైనా దాదాపు 16 సీజన్లు కంప్లీట్ అయ్యాయి. ఇక దక్షిణాదిలో చూస్తే ఆరో సీజన్ ప్రస్తుతం నడుస్తోంది. తెలుగులో బిగ్ బాస్ సీజన్ 6 సెప్టెంబర్ నెలలో స్టార్ట్ అయ్యింది. నాలుగో వారం గేమ్ నడుస్తోంది. ముగ్గురు ఇంటి సభ్యులు హౌస్ నుండి ఎలిమినేట్ అయ్యారు.
ఇటువంటి తరుణంలో ఏపీ హైకోర్టులో బిగ్ బాస్ షోకి వ్యతిరేకంగా పిల్ దాఖలు చేయడం జరిగింది. బిగ్ బాస్ షోను బ్యాన్ చేయాలని దాఖలైన పిల్ పై హైకోర్టులో విచారణ జరిగింది. ఈ విచారణలో ఐబీఎఫ్ గైడ్ లైన్స్ పాటించలేదు, అశ్లీలత ఎక్కవగా ఉందన్న పిటిషనర్ తరఫు న్యాయవాది.. న్యాయస్థానంలో వాదించారు. అశ్లీలత కూడా ఎక్కువైపోయిందని పిటిషనర్ తెలియజేయడం జరిగింది. దీంతో అశ్లీలతపై ఘాటుగా స్పందించిన కోర్టు, ప్రతివాదులకు నోటీసులపై త్వరలో నిర్ణయిస్తామని ఏపీ హైకోర్టు తెలియజేసింది.
ఆ తర్వాత విచారణ అక్టోబర్ 11కు వాయిదా వేయడం జరిగింది. దీనికి సంబంధించి కేంద్రం తరుపు న్యాయవాది సమయం కోరడంతో విచారణ వాయిదా వేయడం జరిగింది. ఇప్పటికే ఈ షో ఆపేయాలని పలు రాజకీయ పార్టీల నాయకులు బహిరంగంగానే వ్యాఖ్యలు చేశారు. ముఖ్యంగా సిపిఐ నారాయణ.. బిగ్ బాస్ షో వల్ల ప్రజలకు ఒరిగేదేమీ లేదని చెప్పుకొస్తున్నారు. షో చూసే వాళ్లే యాజమాన్యాన్ని నిలదీయాలని కూడా కొద్ది రోజుల క్రితం కోరడం జరిగింది. ఇటువంటి తరుణంలో ఏపీ హైకోర్టు.. బిగ్ బాస్ షోపై ఘాటుగా రియాక్ట్ కావడం సంచలనం రేపుతుంది.