Bigg Boss 6: ఆదివారం దసరా స్పెషల్ ఎపిసోడ్ బిగ్ బాస్ ప్రేక్షకులను ఎంతగానో అలరించింది. “ఘోస్ట్” మూవీ డైరెక్టర్ ప్రవీణ్ సత్తార్ తో పాటు హీరోయిన్ సోనాలి చౌహాన్ వచ్చి సందడి చేశారు. ఇంకా పలువురు నటీనటులు బిగ్ బాస్ వేదికపై చిందులు వేయడం జరిగింది. ఇదిలా ఉంటే నాలుగో వారం హౌస్ నుండి ఆరోహి ఎలిమినేట్ అయినట్లు నాగార్జున ప్రకటించారు. ఈ క్రమంలో కల్మషం ఇంకా స్వచ్ఛం అనే రెండు జాబితాలో ఆరుగురు, ఆరుగురు పేర్లను పెట్టాలని నాగార్జున ఆరోహికి తెలియజేశారు.
స్వచ్ఛం లిస్టులో శ్రీహన్, వాసవి, సూర్య, కీర్తి, రోహిత్, బాలదిత్యా…పేరులు పెట్టడం జరిగింది. కల్మషం లిస్ట్ లో రేవంత్, గీతూ, చంటి, సుదీప, సత్య, ఇనాయా పేరులు పెట్టి వెళ్తూ వెళ్తూ ఆరోహి షాక్ ఇవ్వడం జరిగింది. కల్మషం లిస్టులో ఉన్న ఆరుగురు తమ ఆట తీరు మార్చుకోవాలి అని ఆరోహి తెలియజేసింది. రేవంత్ నామినేషన్ టైములో ఎప్పుడో జరిగిపోయిన పాయింట్లను తీయటం నచ్చలేదు గనుక కల్మషం లిస్టులో పెట్టినట్లు తెలిపింది. ఇంకా ఇనాయా నామినేషన్ టైంలో చాలా పెద్ద గొడవలు చేస్తది. అది తప్ప మిగతా గేమ్ పరంగా చాలా బాగా ఆడుతుంది.
ఇంకా శ్రీ సత్య గాసిప్ క్వీన్.. రాబోయే రోజుల్లో ఇంకా బాగా గేమ్ ఆడాలని కోరుకుంటున్నట్లు తెలిపింది. చంటితో కలవలేకపోయాను. ఆయన కామెడీ హౌస్ లో మిస్ అయ్యాను. కలవాలని రెండు మూడు సార్లు ప్రయత్నాలు చేసినా కుదరలేదు. ఇంకా గీతు గేమ్ పరంగా తాను ఎటువంటి స్టాండ్ తీసుకున్న దానిమీద నిలబడటం ఎంతో నచ్చింది. సుదీప గేమ్ రాబోయే రోజుల్లో మరింతగా స్ట్రాంగ్ అవ్వాలని బాగా ఆడాలని కోరుకుంటున్నాను అని కల్మషం లిస్టులో పెడుతూ ఈ కారణాలు చెప్పింది ఆరోహి.