Bigg Boss 6: బిగ్ బాస్ సీజన్ 6 నాలుగో వారం హౌస్ నుండి ఆరోహి ఎలిమినేట్ అయిపోయింది. ఆరోహి ఎలిమినేట్ అవుతున్నట్లు ముందుగానే సోషల్ మీడియాలో వార్తలు వచ్చాయి. అయితే ఆదివారం నాడు జరిగిన దసరా స్పెషల్ ఎపిసోడ్ లో నాగార్జున నామినేషన్ లో ఉన్న పదిమందిని ఒక్కొక్కరినిగా సేఫ్ గా ప్రకటిస్తూ.. చివర ఆఖరికి సుదీప, ఆరోహి మిగిలి ఉండగా.. ఆరోహిని ఎలిమినేట్ అయినట్లు ప్రకటించారు. దీంతో ఒక్కసారిగా హౌస్ మొత్తం షాక్ అయిపోయింది. ఇనాయా, సూర్య, శ్రీహాన్, కీర్తి, మెరీనా.. ఏడవడం జరిగింది. సూర్య, కీర్తి గుక్క పెట్టి ఏడ్చారు.
హౌస్ లో మొదటి నుండి ఆరోహి గేమ్ మినహా అక్కడ మాటలు ఇక్కడ, ఇక్కడ మాటలు అక్కడ చెబుతూ గాసిప్ లు ప్రచారం చేసింది. ఇదే విషయాన్ని హౌస్ నుండి ఎలిమినేట్ అయ్యాక వేదికపై నాగార్జున పక్కన ఉండగానే ఆమె ఒప్పుకోవడం విశేషం. ఇంకా నైట్ లు… నిద్రపోకుండా అటు ఇటు తిరగటంతో పాటు సూర్యతో ముచ్చట్లు పెట్టుకోవడం ఆమె గేమ్ కి మైనస్ కావడంతోనే ఆమె హౌస్ నుండి ఎలిమినేట్ అయినట్లు కాజా పరిణామాలపై ఆడియన్స్ కామెంట్లు చేస్తున్నారు.
ఆరోహి ఎలిమినేట్ కావడంతో ప్రస్తుతం హౌస్ లో 16 మంది మిగిలి ఉన్నారు. మొత్తం 20 మంది సభ్యులు ఎంట్రీ ఇవ్వగా నలుగురు ఎలిమినేట్ అయ్యారు. మరి సోమవారం జరగబోయే నామినేషన్ ప్రక్రియలో ఎంతమంది నామినేషన్ లో ఉంటారో చూడాలి. ఇక ఆరోహి ఎలిమినేట్ కావడంతో హౌస్ లో సూర్య గేమ్ మారుతుందని జనాలు అంటున్నారు. మంచి ఎంటర్టైన్మెంట్ కంటెంట్ కలిగిన సూర్య ఇన్నాళ్లు హౌస్ లో ఆరోహి చుట్టూ తిరగడమే కనిపించింది. ఇప్పటినుండి అతడు ఆట తీరు మార్చుకుంటే ఖచ్చితంగా టాప్ ఫైవ్ లోకి సూర్య వెళ్లే అవకాశాలు ఉన్నాయని ఆడియన్స్ నుండి వినిపిస్తున్న టాక్.