Bigg Boss 6: బిగ్ బాస్ సీజన్ సిక్స్ లో బిగ్ బాస్ ఇచ్చే ఆదేశాల కంటే గీతూ ఇస్తున్న ఆదేశాలు ఇంటి సభ్యులకు తలనొప్పిగా మారిపోతున్నాయి. గత వారమే చెపల చెరువు టాస్క్ లో సంచాలక్ గా గీతూ ఆడిన ఆట తీరుపై హోస్ట్ నాగార్జున మండి పడటం జరిగింది. చాలాసేపు క్లాస్ పీకారు. ఇంటి సభ్యుల చేత బిగ్ బాస్ గేమ్ ఆడిస్తాడు. నువ్వు అనవసరమైన గేమ్ ఇంటి సభ్యుల చేత ఆడించొద్దు అని వార్నింగ్ కూడా ఇవ్వడం జరిగింది. అయినా గాని గీతూ ఆట తీరులో మార్పు రాలేదు.
9వ వారం మంగళవారం ఎపిసోడ్ లో కెప్టెన్సీ పోటీదారుల టాస్క్ లో బాలాదిత్యా ఎమోషన్ లతో గేమ్ ఆడటం జరిగింది. ఈ కెప్టెన్సీ పోటీ దారుల టాస్క్ లో ఇంటి సభ్యులను రెండు టీములుగా విభజించారు. బ్లూ టీం మరియు రెడ్ టీంగా విభజించడం జరిగింది. అయితే బ్లూ టీంలో ఉన్న బాలాదిత్య నీ టార్గెట్ చేసుకొని.. అతని వీక్నెస్ పై గీతూ దెబ్బ కొట్టాలని చూసింది. బాలాదిత్య స్మోకింగ్ చేస్తాడని అందరికీ తెలుసు. ఈ క్రమంలో అతని సిగరెట్లు మరియు లైటర్ గీతూ దాచేసింది. దీంతో బాలాదిత్య.. సిగరెట్లు ఇంకా లైటర్ వెతుక్కుని చివరకు ప్రత్యర్థి టీం దాచేసారని తెలుసుకుని అడగటం మొదలుపెట్టాడు.
ఈ డిస్కషన్ లో గీతూ దాచ్చెసీనట్లు తెలుసుకొని… గేమ్ ఆడాలి గాని ఈ రకంగా ఆడకూడదని .. దయచేసి సిగరెట్లు ఇచ్చేయాలని కోరడం జరిగింది. అయినా గాని గీతూ… తగ్గకుండా స్ట్రిప్ లు ఇస్తే లైటర్ మరియు సిగరెట్ ఇస్తామని అనటంతో బాలాదిత్య ఒక్కసారిగా సీరియస్ అయిపోయి… నన్ను కావాలని బ్యాడ్ చేయాలని గీతూ వ్యవహార శైలి ఉందని మండి పడటం జరిగింది. అయినా గాని గీతూ తగ్గకపోవడంతో బాలాదిత్య ఎమోషనల్ అయిపోయాడు. ‘ఆఫ్ట్రాల్ సిగరెట్ కోసం.. ఎంత దిగజారుతున్నావో నీకు తెలుసా?? నన్ను ఇంత దారుణంగా అవమానిస్తావా?అంటూ కన్నీళ్లు పెట్టుకున్నాడు. ప్రపంచం మొత్తం దాన్ని నమ్మొద్దు అని చెప్పినా నేను వినలేదు. దాన్ని బంగారం అని మాట్లాడాను.. కానీ నా ఎమోషన్స్తో ఆడుకుంటుంది’ అంటూ బాలాదిత్య… గీతూ చేసిన పనికి కన్నీరు పెట్టుకొని సీరియస్ వ్యాఖ్యలు చేయడం జరిగింది.